10/30/2007

How to be a good programmer

لقيت الموضوع ده ولقيته مفيد جداً عشان اي واحد عايز يبقى مبرمج كويس بجد


Want to be a good programmer ? If so, follow these programming practices and guidelines:

1) Never write a line of code that someone else can understand.

2) Make the simplest line of code appear complex. Use long counter intuitive names.
Don't ever code "a=b", rather do something like this :

AlphaNodeSemaphore=*(int)(&(unsigned long)(BetaFrameNodeFarm));

3) Type fast, think slow.

4) Never use direct references to anything ever.
Bury everything in macros.
Bury the macros in include files.
Reference those include files indirectly from other include files.
Use macros to reference those include files.

5) Never include a comment that will help someone else understand your code.
If they understand it, they don't need you.

6) Never generate new sources. Always ifdef the old ones. Every binary in the world should be generated from the same sources.

7) Never archive all the sources necessary to build a binary. Always hide on our own disk. If they can build your binary, they don't need you.

8) Never code a function to return a value. All functions must return a pointer to a structure which contains a pointer to a value.

9) Never discuss things in concrete terms. Always speak in abstract. If they can understand you, they don't need you.

10) Never complete a project on time. If you do, they will think it was easy and anyone can do it and they don't need you.

11) When someone stops by your office to ask a question, talk forever, but don't answer the question. If they get their questions answered, they don't need you.

12) Load all sentences either written or spoken with alphabet soup. When someone asks you out to lunch, reply:
"I can't because I've almost got my RISC-based OSI/TCP/IP client connected by BIBUS VMS VAX using SMTP over TCP sending SNMP inquiry results to be encapsulated in UDP packets for transmission to a SUN 4/280 NFS 4.3 BSD with release 3.6 of RPC/XDR supporting our ONC effort working."

13) Never clean your office. Absolutely never throw away an old listing.

14) Never say hello to someone in the hallway. Absolutely never address someone by name. If you must address someone by name, mumble or use the wrong name.
Always maintain the mystique of being spaced out from concentrating on complex logic.

15) Never wear a shirt that matches your pants. Wear a wrinkled shirt whenever possible.
Your shirt must never be tucked in completely. Button the top button without wearing a tie. This will maximize your mystique.

10/22/2007

إشهار اسلام

بسم الله الرحمن الرحيم

كتير قوي نسمع ان في كذا اسلم
او يتبعتلنا ميل بيقول ان في مش عارف مين اسلم
والعكس برضه ممكن نسمع ان في فلان تنصر او ألحد او اي حاجة تانية
اه ممكن يكون الحجات دي بتحصل ده امر طبيعي جداً
الردة موجودين من زمان
وبرضه اللي بيشهروا اسلامهم من يوم البعثة وهما كتير جداً كل يوم
بس اغلبنا عمره ما شاف حد اشهر اسلامه بنفسه
ولا شاف حد اتنصر او الحد
فده كان بيخليني شخصياً اشك في حاجات كتير من اللي بتتقال
بس النهاردة وجهة نظري اتغيرت شوية وبقى ممكن اصدق بسهولة
وعشان تفهموا ليه اسمعوا

القصة من اولها:
النهاردة يوم الاتين كنت في القسم
مش عاشن خناقة ولا حاجة لا سمح الله
لأ ده عشان بقدم ورقي عشان التجنيد
المهم
وانا في المكان اللي بيتعمل فيه الفيش الجنائي واللي برضه بيتسلم فيه الفيش الجنائي
كان في كذا واحد بيعملوا فيش
وكان في واحد واقف جنبي بيدور في الفيشات الخلصانة على الفيش بتاعه
والفيش -للي ميعرفش- بيبقى فيه جزء تحت خاص بالسبب من عمل الفيش
الطبيعي ان السبب بيبقى للعمل او السفر او التجنيد
والراجل اللي واقف جنبي ده بيقلب ف الورق
بالصدفة البحتة شفت ورقة ولفت انتباهي قوي السبب اللي مكتوب تحت
لقطت منه اول كلمتين
اشهار اسلام
انا استغربت جداً
وده لسببين
الاول زي ما قلت قبل كده اني مش متعود اشوف حالة زي دي بعيني
والتاني اني مكنتش متخيل ان حتى دي محتاجة فيش جنائي
المهم بقى انا مسكتش على كده
بعد ما الراجل ده خلص
مسكت الفيشات وبدأت ادور على الورقة تاني لحد ما لقيتها
والبيانات اللي فيها حفظتها
السبب كان اشهار اسلام للاحوال المدنية
الاسم كان: نيفين ( حاجة ) ( حاجة )
محل الميلاد : بني سويف
محل الاقامة: شارع ( حاجة ) رقم (حاجة ) عين شمس
مبصيتش الصراحة على تاريخ الميلاد
* الحاجتا اللي بين اقواس دي انا فاكرها

بس انا طبعاً كنت فرحان وده هون عليا ال 3 ساعات اللي اتلطعتهم ف القسم وحبيت افرحكم معايا

10/13/2007

بعد رمضان

بعد رمضان

وفي مكان ما من ارض الوطن الاسلامي

وقف مارد من مردة الشياطين يخاطب الشياطين الزغنين ويقلهم

الله الله الله

بقى هو ده اللي انا قلتلكم عليه

بقى اغيب شهر واحد –بمزاجي طبعاً- عشان كنت بصيف ف مارينا زي مانتوا عارفين

شيطان صغنن يهمس ف الشيطان اللي جانبه : قالك مارينا... يا عم روح دانتا بقالك شهر ف الحجز عمال بتاخد على قفاك

المارد: بتقول ايه ياد انت وهو اللي واقفين هناك

مش عايز اسمع نفس

مش كفاية المصيبة اللي انتوا فيها

بقى اغيب شهر ارجع الاقى اكتر من 99% من المسلمين بقوا بيصلوا كل الفروض!

وكمان الاقي ان في اكتر من 2 مليون بنت لبسوا الحجاب طول الشهر... لأ وكمان حجاب محترم!

وكمان حبايبنا الللي مكانوش بيطيقوا يشوفوا المسجد بقوا يصلوا هناك بالفرض والاتين كل يوم

وكله كوم والناس اللي بيصلوا التراويح دول كوم

ده انا سمعت كمان ان في ناس بيصلوا التهجد ... وناس اعتكفوا

بالزمة مش مكسوفين من نفسكوا

شيطان صغنن: والله يا باشا احنا كنا بنعمل اللي علينا ومبطلناش وسوسة طول الشهر

المارد: يا سلام .. وانت بتسمي لعب العيال اللي انت بتعمله ده وسوسة؟

الشيطان الصغنن: يعني هنعمل ايه اكتر من اننا نقلهم ان الحاجة الحرام حلوة روحوا اعملوها

المارد: يا سلام ! بالبساطة دي؟ وقال انا اللي فاكر اني سايب ورايا رجالة!

حاجة تسد النفس

السنة دي لازم تاخدوا دورات مكسفة

انا هوصي ابلة عفريتة تزودلكم حصص فنون الوسوسة ف المقررات

بس عامة انا كنت عامل حسابي على كده

كل شيء مدروس

ويا ريت تتعلموا مني اليومين دول وشوفوا المليطة اللي هتحصل ف العيد

دانا ورايا شغل كتير على ما انسي الناس دي كلها المسجد وارجع ازرع ف قلوبهم الاغاني والبنات.

وكل البنات دول لسة عايز اقنعهم تاني ان حرام عليهم يداروا الجمال الفظيع بتاعهم والشعر الحرير بلبس الحجاب وكمان الجيبات واللبس الواسع ده .. لازم اقنعها انهم كده مش هيعرفوا انها بنت اساساً

بس انا منزلهم السنة دي كام حاجة ف العيد يهبلوا

اقنعت الممثل بحلوق المبحلق انه يعمل ف الفيلم بتاعه رقصتين و4 بوسات وهينزله ف العيد عشان يساعد معايا

لأ وكمان اقنعت 3 دور عرض انهم يخفضوا تمن التذاكر عشان الاقبال يزيد شفت التكتيك يا هفئات ... مش يقلي نقنعه انه حلوة!... روح يا تافه , يا خسارة تربيتي فيكوا يا كلاب.

اه اما بالنسبة للأخوة القراء البني أدمين فأنا احب اوجهلم رسالة

اطمن يا ابني وانتخ على الآخر , الحياة مية مية وكله تمام

ولو شايف انك وحش عشان مبتصليش ف الجامع فاحمد ربنا انك بتصلي اساساً امال ايه يا ابني ده انت كده زي الفل..... بتقول ايه مش بتصلي كل الفروض اساساًَ., وماله برضه يا حبيبي مهو الجمعة للجمعة مكفرات وبعدين هو في حد بيتعاقب على حاجة معملهاش؟ لأ طبعاً , طيب يبقى ازاي هتتعاقب عشان مصليتش , شفت انك زي الفل اهوه!

ولو زعلان انك بتخرج كتير مع اصحابك ومقضينها هزار وضحك فانت تحمد ربنا ان اصحابك ولاد .. ايه بتقول كل اصحابك بنات؟ يا اخي وماله طالما ماشي معاهم محترم وبتعاملها زي اختك بالظبط .. مش انت بتبوس اختك برضه ؟ شفت بقى ان نيتك سليمة !

وانت يا عم ياللي بتشرب سجاير .. مش برضه ده احسن من انك تشرب حشيش ولا بانجوا؟ بتقول ايه , بتشرب حشيش؟ طيب وماله ما في ناس بتضرب ماكس وبتشم هروين وحتى دول كمان كويسين يا اخي اديك بتأذي نفسك بس مبتضرش حد غيرك!

اه واخوتنا البنات الحلوين مالك كده زعلانة عشان مش لابسة حجاب؟ يا ستي يعني هما اللي لابسين حجاب كانوا بيعملوا ايه عدل ولا هي مظاهر على الفاضي؟ بتقولي ايه كمان , لبسك ديق؟ وماله يا حبيبتي ديقي لبسك وافرحي مش احسن ما تمشي من غيره خالص ولا تنحرفي وترقصي؟ وبعيدن حتى الرقاصة مالها مهي بتكسب لقيمتها من تعبها مش احسن ما تشتغل شحاتة ولا تعيش عالة على المجتمع وبعدين دي بتعمل رواج سياحي وبتنعش الحركة الاقتصادية ف البلد!

شفتوا بقى يا حبيابي انكم كلكم حلوين وجمال وزي الفل ؟

مع السلامة واشوفكوا يوم القيامة

وابقوا قابلوني

10/07/2007

حاجات كتييير

بسم الله الرحمن الرحيم

بقالي كتييير جداً مكتبتش حاجة هنا
يمكن السبب ف كده اني - على عكس اغلب الناس - نادراً لما بستخدم البلوج عشان افرغ انفعلات او احكي عن موقف
بالنسبالي البلوج هي المكان لما بحس اني جتلي فكرة لحاجة جديدة او عايز اجرب حاجة معملتهاش قبل كده
وده لأني عارف ان ف اغلب الاحيان الناس مبيهمهاش تسمع حكاوي مملة
واي حد بيتكلم عن نفسه ف الغالب بيطلع ممل حتى لو محسش بكده
واقرب مثال على كده الكلام اللي بتقراه دلوقتي
كلام ممل , مش كده؟
بس الصراحة دي البلوج بتاعتي وحتى لو الكلام ممل فده شيء ميخصنيش لأني مضطر افرغ هنا انفعلاتي على غير عادة

رغم ان الفترة اللي فاتت كان فيها احداث كتييير جداً حصلتلي إلا اني معرفتش اكتب عنها حاجة خالص
يمكن من يوم ما اتخرجت مكتبتش حاجة
مكتبتش عن المقابلات اللي كنت بعملها عشان ادور على شغل
ومتكلمتش عن ازاي جالي الشغل فجأة واشتغلت فجأة
ومتكلمتش عن اني بقيت خال لبنوتة زي العسل اسمها رزان
يمكن كل اللي فات ده مكانش ضروري اتكلم عنه لأن كل ده مغيرش فيا حاجة
اشتغلت بس فضلت خالد عادل
بقيت خال بس لسة خالد عادل برضه
بس الحاجة اللي مينفعش افضل بعدها خالد عادل
هي وفاة والدي الله يرحمه
على الاقل بقيت خالد ابن المرحوم عادل سلامة
رغم ان لسة وقع الكلمة غريب عليا ولسة برضه مش متخيل تماماً الحقيقة
إلا ان ده غير فيا كتير
على الاقل جوايا حتى لو محدش شاف ده
اول ما بدأت اكتب بصراحة كان في دماغي اني هحكي شوية عن الموقف وازاي وامتى وليه
بس واضح اني مش هقدر
هكتفي بس بالنتائج رغم انها لما تتقال لوحدها مش هيبقى ليها نفس الاثر

النتيجة اني عرفت لأول مرة قد ايه انا كنت بحب والدي
وقد ايه انا كنت مقصر معاه
وندمت جداً على كل لحظة زعلته فيها او اعترضت عليه او حتى اتناقشت معاه وهو مكانش عايز يتناقش
ندمت على كل مرة مسمعتش فيها كلامه بسرعة
وعرفت ان برغم كل اللي انا كنت بعمله معاه ده عمره ما اتأخر عليا ف اي حاجة كنت بعوزها حتى لو بينلي غير كده
الكلام ده ممكن يبقى ملهوش فايدة دلوقتي بالنسبالي عشان مش هقدر اغير من الحقيقة حاجة
مقدرش دلوقتي غير اني اعوض ده ببر والدتي
والدعاء لوالدي الله يرحمه
وحاجة كمان
نفسي والله اوصي اي حد يقرى الكلام ده انه دلوقتي حالاً جري لو في حد من والديه موجود يروح جري يبوس ايديهم ورجلهم والله مش عيب والله مش مستاهلة كبر
ربنا يخليلكم اهلكم جميعاً بس محدش يضمن هو هيقدر يبر والده او والدته لحد امتى
احتمال ف مرة تانية ابقى احكي اللي حصل للعظة بس مش قادر دلوقتي

السلام عليكم

9/01/2007

Your dream job

For people who dream to work in Microsoft try this link for the Microsoft Innovation Center in Cairo (CMIC)

And for those who wanna work in Google try one of these links
Software Engineer, Video Ads - Mountain View
Front End Java Engineer - Mountain View

for more jobs visit
Google jobs
CMIC jobs

8/01/2007

وحوش حاسبات حلوان

تاني موضوع على التوالي هيبقى من اشعار احمد عماد
الشعر المرة دي مش لفيوتكس الشعر المرة دي لحاسبات حلوان كلها
هو الشعر ده حسام نشره في البلوج بتاعته بس لقيت اني لازم انره عندي انا كمان عشان على الاقل يبقى ذكرى لأحسن جايزة ولأحلى دفعة ولأحسن EED
عايزكم تقروا الشعر ده كلكم وتفخروا بأنكم من حاسبات حلوان بجد احسن كلية في الدنيا


اصحي صحصح يا تعبان

إحنا وحوش حاسبات حلوان

ولا عين شمس ولا المنصورة

إحنا الأصل وهما الصورة

والقاهرة تايهة ومكسورة

والهندسة دول في التوهان

اصحي صحصح يا تعبان

إحنا وحوش حاسبات حلوان

*****

إحنا كبار في الكود والاسم

إحنا حلولنا حلول الحسم

إحنا بنكسب من غير رسم

إحنا أوائل أي مكان

اصحي صحصح يا تعبان

إحنا وحوش حاسبات حلوان

*****

إحنا الحلم الي بيتحقق

أسطورة لكن تتصدق

لو هتغرب أو هتشرق

مين زينا هتلاقي كمان ؟

اصحي صحصح يا تعبان

إحنا وحوش حاسبات حلوان

*****

إحنا الفعل وهما كلام

إحنا عقولنا تشوف قدام

إحنا الضحكة الجاية تنام

فوق وش البلد الحزنان

اصحي صحصح يا تعبان

إحنا وحوش حاسبات حلوان

*****

إحنا الحلم بيصرخ فرحة

إحنا الضحكة بتخرج سارحة

إحنا الأرض الخضرة الطارحة

بالمستقبل للإنسان

اصحي صحصح يا تعبان

إحنا وحوش حاسبات حلوان

*****

لو هتدور مرة علينا

فوق الناس هتكون أسامينا

والأكواد طايرة حوالينا

سابقين كل الناس بزمان

اصحي صحصح يا تعبان

إحنا وحوش حاسبات حلوان

*****

أما لو راح تسأل عنا

فاسمع من غيرنا أو منا

كله هيقول انا بتمنى

لو كنت في يوم من حلوان

اصحي صحصح يا تعبان

إحنا وحوش حاسبات حلوان

*****

وبرده نقول من غير ما نهاب

إن الفوز دا والإعجاب

فضل لرب كريم وهاب

سبحان المعطي المنان

*****

رب اجعلنا بنشكر ليك

كل الخير في الكون بايديك

كل الخير منك وإليك

ياواحد يا ذا الإحسان

7/27/2007

قصيدة فيوتكس


القصيدة دي من تأليف احمد عماد وكاتبها بعد ما النتيجة طلعت عشان يهني ببيها الجروب
طبعاً هي فيها شوية فضايح بس ان شاء الله اتمني ان الناس مش هتفهم قوي

أفرح .. أفرح أنت وهو
أفرح يالا لمرة بقوة
قوم يا حسام أجري يا سعيد
نط يا عيسوي يالا بقوة

مدوا الضحكة بطول وبعرض
طيروا لفوق وابعدوا م الأرض
قوم يا جمال مش وقت ماسنجر
يالا يا خالد ..شد دا فرض

يالا يا حلم العمر الباسم
فرحة جديدة اهي بتتراسم
بعد تعبنا وطول ليالينا
ضحكة كبيرة سوا نتقاسم

بعد أربع سنوات في مشقة
سنة أشغال ودقايق رقة
خدنا خلاص إفراج يا جماعة
والأمر ماهوش ناقص زقة

أفرح يالا يا عيسوي قوام
شوف خدماتك وأنت تمام
بعد سنين فاتت في الرعب
اصرخ في الاناليزر نااااام

مش هتلاقي حد يزعق
أوعى تخاف أو أوعى تقلق
ولا هتنام تاني مخنوق
مربوط من رجليك متشعلق

ولا هنزعق سوا ولا حاجة
دي الدنيا خلاص مش محتاجة
ولا هتقوم تسألني خلاص
ولا هكتبلك ع التلاجة

سيبك من الاناليزر وأفرح
الكود في القلب مالوش مطرح
يالا يا عيسوي قوم وأتنطط
بس ما تبعدش قوي وتسرح

وأنت يا خالد هيص عيش
ما تطلسأش الفرحة بطيش
طلسا طلسأ كان في الكود
ويوم الفرحة كتير ما يجيش

اضحك يالا بدون رسومات
ولا داتا بيز ولا اي حاجات
ولا هتبات تعبان م الكود
يالا ارتاح من غير حسابات

ولا هتبات تقطع في طريق
كل مايوسع تاني يضيق
ولا هتنام تحلم بالكود
ولا راح تفطر بيه ع الريق

افتح ماتش هنلعب تاني
مش هنخبي خلاص ونعاني
ولا هيفتش حد علينا
نلعب ماتش في كل ثواني

يابني اتنطط اعمل زيطة
خبط مية مليون تخبيطة
افرح مرة بجد وقوة
ولا خلاص حبيت الحيطة

قوم يا حبيب القلب جمال
مابقاش فيها اي خيال
إحنا خلاص ايوة اتخرجنا
ودي حاجة مش محتاجة سؤال

اعمل شات من غير إزعاج
واضحك بقى بدماغ ومزاج
انتا خلاص حر وطليق
وأنت اساسا مش محتاج

أضحك دنيا ومتبسمة
عيش اللحظة المش مؤلمة
قولي الاول هل فرحان؟؟
أوعى ترد تقول ربما

انتا صحيح دلوقتي جمال
اب لاسرة ورب عيال
بس تناسى دا كله شوية
وافرح بقى من غير أهوال

ولا عربية هتفلت منك
ولا أكواد هتخيب ظنك
قول وأشجيني كلام وفتاوي
احكي كلام عني أو عنك

قوم يا حبيب الكل حسام
يالا يا ليدر كله تمام
أول مرة منذ كتير
مش هستأذن قبل ما أنام

فك ياليدر فرجت جامد
بعد ما عشت الايام صامد
يالا ارتاح من بعد جراح
أفرح متعمد أو عامد

ولا هتفتش تاني علينا
ولا هتراقب من حوالينا
مش هتراقب ع الي ينام
ولا تكتب في ورق أسامينا

أيامنا الفايتة وحنسيبها
والفرحة مين راح يناسبها
علشان كده فيوتكس اتفقت
عيناك ليدر يا حبيبها

أنت قائدنا في أي مكان
أنت كبيرنا في أي زمان
أنتا حبيبنا وحامي جروبنا
كلنا بنحبك يا حسام

طيب اقول إزاي لسعيد
افرح يالا ومد الايد
اصل موبايله مودع خالص
حد يشوفله جهاز وجديد

يالا هقولك وانت حبيبي
صاحب درب وشئ في نصيبي
افرح يالا الفرح أكيد
كل الفرح ماهوش تقريبي

بس أما أنتا سعيد أنا إيه
أنا فرحان فرحان كده ليه
قولوا لكل الكون يا جماعة
أنا اسعد بني آدم فيه

قوم يا سعيد صمم بالراحة
ارسم أحلامك مرتاحة
قول الي في قلبك ما تخافش
دي الضحكة بفرحات طراحة

أما لو هتكلم عني
كل كلامي هيبقى تمني
إني أشوفكم أحسن ناس
بس كفاية .. دموعي تخوني

أنا فرحان بيكم وعشانكم
فرحان بيا وقلبي مكانكم
بعد مافات أيام في عذاب
ربنا ريح بالي وبالكم

بعد الميشن والعربية
والأكواد الرايحة وجاية
والرسومات ع الشاشة والحيطة
والسبورة هتشهد ليا

نفسي اقول كلمة مغلوبة
اوعوا في أيامنا المسلوبة
تنسوا واحد منكم كان
طب مين يعملكوا مقلوبة ؟؟

أنا يا أصحابي في أخر القول
بيكم أنا فرحان على طول
إن كان جد ولا هزار
ولا خناقة في طبق الفول

أحلى جروب في حياتي بجد
فرحتي بيكم من غير حد
خالد .. عيسوي .. سعيد وجمال
وأنا وحسام والكون ممتد

7/13/2007

اختيار

في حياتنا دائماً ما تواجهنا المواقف سواء الصغيرة او الكبيرة والتي تحتاج منا لأن نتخذ قرار ما , مهما بدا الامر في حينها سهلاً او بسيطاً او ان القرار ليس له تأثير كبير , اكن الحقيقة ان حياتنا كلها ما نحن فيه وما كنا عليه وما سنصير إليه ما هو إلا نتاج مجموعة من القرارات التي اتخذناها الصغير منها والكبير ليكونوا معاً تلك الحياة التي نعيشها.

مهما كان حجم القرار قد يبدو صغير فلا يصح الاستهزاء به او ان نقول انه لن يصنع فارقاً حيث ان اصغر الاختيارات قد تؤدي إلى اعظم النتائج, على سبيل المثال لو ان قراراً صغيراًً مثل هل آكل الآن ام ان اصلي ثم آكل , قد يبدوا الامر بسيطاً والقرار سهل ولكن لو قلنا انني لو أكلت الآن ثم صليت ربما يأتي إلي وقت الصلاة هاتف مهم لا استطيع الرد عليه وربما يكون هذا الهاتف قادراً على تغيير مسار حياتي ان يكون مثلاً من شركة طالما حلمت ان اعمل بها, وقد يحدث العكس ايضاً انني لو صليت اولاً يأتي الهاتف وقت الصلاة ولهذا يجب التفريق بين امرين وهما القرار والنتيجة.

القرار: هو الاختيار الذي يؤخذ من بين عدة اختيارات متاحة , وللأنسان الحرية التامة في إتخاذه فهو وحده المتحكم به وهو الوحيد المسئول عنه.

اما النتيجة: فهي العواقب التي تنتج نتيجة القرار الذي اتخذه الانسان ولكن النتيجة ليست بيد الانسان وليس مسئول عنها فهو فقط مسئول عن اتخاذ القرار الصحيح اما النتيجة فهي بيد الله وحده.

كيف يكون الاختيار صحيحاً

حتى يتخذ الانسان اي قرار في حياته يجب ان يتخذه وفق احد الاشياء الآتية او وفق مجموعة منها

العلم: لا يوجد إنسان ليس لديه علم مهما كان حجم هذا العلم ضئيل وهذا العلم هو مجموعة الثوابت التي يعلمها , وعندما يريد الانسان اتخاذ قرار فهو يقارنه بالثوابت التي عنده فمثلاً هو يعلم ان تأخير الصلاة خطء كبير ويعلم ايضاً ان احب الاعمال إلى الله الصلاة على اوقاتها لذا فعندما يأتي لأتخاذ قرار عن الوقت الذي سيصلي فيه فعليه اختيار الوقت وفقاً لهذا العلم او لتلك الثوابت التي يعرفها فإن فعل كان على صواب وإن لم يفعل فقد إتخذ القرار الخاطيء.

الاستشارة: اما اذا كان الاختيار في مجال لا يعلم عنه او في امر جديد عليه وجب عليه الاستشارة وأخذ الرأي ممن هو اعلم منه وعليه ايضاً ان يحسن اختيار من يستشيره فلكل مجاله ولكل تخصصه فلا يسأل عن مرض غير طبيب ولا يسأل عن فقه غير فقيه.

الاستخارة: هي اعظم انواع الاستشارة ففي الاستخارة انت تستشير مالك الدنيا وما عليها وخالق الخلق اجمعين الله سبحانه وتعالى ولكن لا تكون الاستخارة في الامور الواضحة والصريحة فلا استخير مثلاً عن ترك الصلاة وما إلى ذلك من الثوابت.

استفت قلبك: للأسف كثيراً ما تستغل هذه الجملة استغلال خاطء فليس معنى استفت قبلك ان استفته في ثوابت او ان اغير من اساس الدين او العلم فقط لأن قلبي يدلني ان هذا اصح, لكن استفت قلبك يحكم بها في الامور التي لا يستطيع ان يحكم عليها غيرك مثل الرخص التي اعطاها الله لك فأنت فقط من يستطيع الحكم اذا كان سفرك يستحق ان تقصر او لا يستحق وانت من يحكم اذا كان مرضك يمنعك عن الصيام او لايمنعك.

لماذا احسن الاختيار في الامور البسيطة والتي لا عواقب لها؟

هناك سببان يجعلانك تتخذ دائماً الاختيار الصحيح مهما كان صغيراً اون تفكر في اي عمل قبل ان تعمله

اولهما هو كما ذكر سابقاً ان الاختيارات الصغيرة يبنى عليها نتائج كبيرة في بعض الاحيان.

الثاني هو التعود فالإنسان عندما يعتاد ان يفعل الصواب في كل امر يواجهه يعتاد على ذلك ويعتاد على مواجهة نفسه ومقاومتها وذكر عن احد السلف ان طالباً للعلم عنده زاره في داره وبعد ان خرج وعاد الطالب لداره وجد معلمه يزوره ولم يكن معتاد على ذلك فتعجب انه كان عنده منذ دقائق فقال له معلمه انه كان ينوي زيارته قبل ان يزوره واراد الا تعتاد نفسه على العزوم على شيء ثم الرجوع فيه, لهذا فمهما كان العمل صغيراً وبسيطاً فعليك ان تتقنه وتتأنى في اختيارك فيه حتى تعتاد وترتاح نفسك للصواب , مثال على عمل صغير يعودك على هذا هو اماطة الاذى عن الطريق.

ختاماً ارجو الله ان يوفقنا لما يحبه ويرضاه

والسلام عليكم ورحمة الله وبركاته

* هذه المقالة هي مجموعة من الآراء الشخصية ولم تبنى على اي قراءات متعمقة في الموضوع لذا لا يؤخذ بها كمرجع.

6/16/2007

مين ؟ ايه؟ فين؟ ليه؟ هو انا مهيس ولا ايه؟

في الصباح الباكر
وفي احدى بقاع المقطم المقفرة
حيث لا يوجد طعام ولا ماء ولا حتى هواء
وجميع المساجين نيام
اجلس وحدي اكتب مذكراتي الاخيرة علها تكون عبرة لمن بعدي حتتى لا يخطئوا خطئي
ربما تكون تلك هي المرة الاخيرة التي اكتب فيها , ولا بلاش ربما دي
اليوم احكي لكم قصة ما حدث لي
ولا اقلكم بلاش الكلام ده كله
سيبكم انتوا عاملين ايه ف المشاريع مش تمام الحمد لله!
طيب خلاص هو ده المهم
صحتكم بالدنيا ومتعملوش ف نفسكوا كده
كله هيعدي
اصلي بصراحة كنت ناوي اكتب قصة ارتجالية دلوقتي بس لقيت انها هتقلب قصة رعب
خليها مذكرات احسن
او يوميات مسجون
حاجة كده
مش احسن من القصص والتأليف برضه !؟
وبعدين اللي بيحصلنا هنا احسن من مليون قصة
ممكن يتعمل قصة مثلاً بعنوان
يوميات المواطنين المطحونين
او مثلاً المساجين
او هكذا كنا من قبل واليوم نعود , ومحدش يسألني يعني ايه بس هو ينفع
يعني الواحد بصراحة مش عارف يلاقيها من الشغل ولا من معاناة البحث عن الطعام
ولما نلاقيه بيفضل معاناة الحصول على نصيبك قبل ما الغيلان اللي معاك ياكلوه
واهي ماشية وبتعدي
.......................
ايه الكلام اللي انا بقوله ده؟
مشكلة ان الواحد يكتب وهو مش مركز الكلام بيطلع غريب قوي
والله ربنا يكون ف عون اللي هيقروه انا شخصياً تعبت
بس هو هكتب يعني هكتب خلاص بقى
انا مصدقت لقيت وقت اكتب فيه من غير ما حد ينطلي يقلي اشتغل
او حد تاني يقلى تعالى العب كورة
ولا كورة سرعة
اي كلام
اه امبارح كان يوم مختلف عن باقي ايام السجن
اصل جاتلنا زيارة
الاخوة الاعداء رامي وكريم ومحمود جملنا وجابولنا عيش وحلاوة
وطبعاً قعدوا شوية يغيظونا بالأكل اللي بياكلوه بس طبعاً احنا ولا بيهمنا زي مانتوا عارفين
اه لقيت اسم تاني ينفع
27 يوم ف السجن
او 27 يوم ف المقطم
ما علينا
كفاية كده احسن الليدر شكله صحي
وانتوا عارفين اللي فيها
هو كده كده لما يقروا الكلام ده ....
بس اهو يمكن ميخدوش بالهم ولا حاجة
سلاااام

6/09/2007

Tagged

I have been taged allmost twice to answer this long 28 question ( law 23tbrna 2n FCI bloggers yeb2a tag ya3ny ) thnx for Re7ab for tagging me and thnx for Nesma for the questions
by the way i hate tags but these questions r good

1- how many advantages ( good qualities) u have ? ( just count )
1 ( the only one that deserves to be advantage from any point of view )

2- how many disadvan u have ? 3eobak ( just count )
Many but the biggest are 3

3- if u have to rename urself , wt ur name will be ?
I really love my name ,but if i should do i will choose Zyad

4- what do u want to reborn as ? ( smth 3'er el human y3ne )
Bird or Dolphin

5-when u was a chiled , kont bt7lm tkon 2eh ? (if haven't any dream , skip thise )
Pilot (Tyar)

6- how many years u want to live ?
"5yrkom mn 6al 3mroh w 7ason 3amaloh"

7- how many people u really hurt ( 2zethom f3ln ) in ur life ?
1

8- how many people hurt u & thire behaviour change u to be worst ?
none

9- as u have n number of disadv , would u like to change it all or part of it ? in another word , do u really regrets thise things?
not all of them ,actually I like some of them

10- ur best color (s) at max 3 colors ?
blue

11- do u ever do somthing knowing it's a wrong ? or do u repeats the same mistakes ?
sure

12-if u promise to not do smth , will you do it for any reasons ?
it depends but in the normal situations I will never do so isA

13- would u die for someone ? (to really replace someone in death )? if yes how many ?
only the prophet Mohamed sala Allah 3alih w salam

14- would u die after someone ? (not physically death but it's end of ur life ).
many My Family , My Friends ... and many other

15- if u have to take decision in smth , & u have thise considerations
ur heart - ur brain - people - circumstances
sort them according to thire Priorities for u ..

my brain - my heart - circumstances -people

16- The most natural scenes Affects you ?
watching the stars in the sky while sleeping at a garden at the mid night

17- The last thing u wish to see before u dead , or the last one ?
(thing) el ka3ba ,(person) my sister

18- what is in the top of ur dream list ? (mention at least one) ..
-go to heaven

19- mention two things from ur believes ( 7agat mn el donia like mbad2 mslan )?
-I am always Wrong until I can prove to myself that I am not.
-The worst person in some thing is the one who thinks that he is the best at it.

20 - when u face a problem which make u feel lost , who is the first one u wish to see?
I wish to see my sister and my brother's sons Amr & Fara7

21- what do u think in when u see thise words : (if it has special meaning for u )
Winter : rain
Autumn : narrow
Summer : free
Spring : flowers
Night : life
Light : hope
closed window : go outside
a baby cried : hold him
chiled who ask people for mony in metro msln: I am not better than him (Al7amdo lellah )
smth broken : 5adet 2lshr w ra7et
empty street : run


22 ) life is a ... (life like wt in ur eyes just one reason for ur answer is enough)
life is like an interface: it has constant functions for every one woth no implementation , and to make an insatnce of it u should make ur own implementation to all of its functions ( function names are the same for every one , but every one have a diffrent look on these functions, and every one is free to choose his implementation)


23) if u have the following 3 doors each one give u a chance for smth , which door u will choose :

1- doorA : door let u see ur future and take u there directly
2- door B : door will take u to the past ( but u will not chnage ur fate , just bt3esh el mady tany )
3- door C : door will make u change only one thing in ur life ( y7'lek t3'er 7aga w7da f mshklk w tfdl f ur current life)

-- tell the reason for why u choose thise door :D it's important ..
doorA : as I don't regrert anything in the bast but i don't also wanna still there, i am looking forward to my future.

24 ) if u put in a situation which u have to choose one person form the following ( ur father or mather , ur baby sister,person u don't know ,ur self , ur love )

a ) u have to choose on of them to die
b) u have to choose on of them to save


the answer is to mention the one who u will choose and ur reasons for that not only ur choise ...
a) while i am writing here the answer will be me , but in the real life it would be the person tht i don't know
b)my baby sister as she still have the live and i can't imagine killing a baby who ever he is.

25 ) r u from the kind of ppl who get optimistic or pessimistic from seeing something or someone ? if yes what is it ?
no

26 ) do u think that ppl missunderstand u alot ? if yes , give %
no ,only about 5%

27) if i told u to sort the ppl u really know & admire in ur life , then give urself a place between them , wt will be ur order ?( 1'st , 2nd .... n )
9th or 10th

28 ) finally , by which % u were sincerity in ur answers ?
100%

6/02/2007

هات الجديد

وبتتولد ضحكة
تموت, وسط الزحام
وسط السكوت, لازم هموت
الموت حبيبي
لابد جي
بالحضن هاخده
وبشوق هقابله
اصل الحبيب بعد الفراق
لابد راجع وانا قلتلك
الموت حبيبي
بس برضه
زي طبع كل الحبايب
الموت غدر بي
يشفي جروح المشتاقين الولهانين على مثل حالي
ويجي عندي ويبتعد
ده برغم اني مستعد
ياه من زمان وانا فاكره جي
من زمان وانا ف انتظار
والشوق مرار
اهوه
اهوه وصل
جاني الحبيب
بعد العتاب على طول غيابه
بعد التحية والسلام
بدأ الكلام
وبعكس كل تخيلاتي
وبعكس حبي واشتياقي
جه صوت حزييين
صوت من بعيد
وكأنه لسة هناك بينده
قالي النهاردة تعيش وحيد
وقلتله هات الجديد
هاتلي اختلاف بعد اللي كان
قالي المكان
م اليوم ده سكنك راح يضيق
المتر يمكن يبقى واسع
بس التراب راح ينردم
وقلتله هات الجديد
لو ع المكان مكانش حد صبح حزين
لكن بصدرك راح تضيق
لو حتى عندك افدنة
هات الجديد
قالي الزمان راح ينتهي
م اليوم هتبدأ يوم وحيد
وده مستمر للأبد
هات الجديد
من يومي عايش يوم وحيد
وبيبتدي بعد النهاية
بعد النهاية تبتدي نفس البداية
والحزن غاية
والهم واحد
هات الجديد
قالي انت واهم
لو كانت فاكر انك راح تنتهي من غير حساب
يبقى انت واهم
اليوم تحاسب
والحساب اليوم عسير
ومفيش محامي
اليوم ده عملك وحده حامي
مش زي دنيا تفوت تعدي
اصبحت خايف
وبرغم شوقي وانتظاري
وبرغم طول ليلي ونهاري
انا قلت جايز
لو عشت حبة يومين كمان
الحق مكان
ومهما ضاق صدري بمكان
او حتى كان كل الزمان عليا وحدي
لسة الحساب هيبقى اصعب
صعب الحياة عليا تصعب
بس اشتياق الموت ده حلم
اه لو اطوله

خالد عادل

6/01/2007

Last

last day ,
last exam,
last subject,
last year,
last term,
last time to study for an exam,
last time to go to my dear faculty to take lectures,
last time to do student union work,
last time to stay in re3ayet 2lshabab.

last last last last and last.

but i am sure that the memories will last
last

last forever

5/05/2007

FCI Tag

FuTeX have been taged by hossam
and as a member of FuTeX
I have to answer this question and also the ppl I Tag
any1 can add question but no1 can remove any



List five things you learnt in FCI –not Technical :D-??

* FCI don't have any technical lessons 2 take :D
* FFFF ( FCIs are ur Family and ur Friends so u can't Forget )
* TEAM ( Together Every1 Achives More )
* Real Friends r never rare but u have to Search well
* FCI girls r bad cookers but boys r good ( ask essawy )


Five things you will miss in FCI?

* My Group
* Dof3aty 2003-2007
* Other ppl from other dof3at
* re3ayet el-shapap
* Projects Days
* ping-pong
* 4 u
* Students Union
* University stuff and mo3skrat
* kfaya keda 3ashan Hossam 2al 5


Best day in FCI Helwan?

* re7let el-3ain el-so5na 1 2005-2006
* el-2ftar el-gma3y 1 and 2 ( Tazej-Costa and dar-el-7arb el-elktronia )

many other days especially el culturel day 1 and 2


Worst day?

no bad days yet
but i think it will b the day when i leave the Faculty for the last time

Best week?
culturel weak 1 2005-2006


Best doctor, course, book, project?

el-gar7y ( elctronics ), maintenance , Computer System Archtecture , Battle of Tanks ( ma3rkt el-dababdeep)


Worst doctor, course, book, project?

H S , Archtecture ( although the best book ), Image Processing, OS



Best instructor?

Ayman Ezzat, Amr 3'onaim, Ehap el-gendy


Best situation?

mesh ba2led 7ossam wala 7aga bs da fe3lan 2ktar youm 3rft feeh 2d 2eh fe 2s7ab kouyseen we regala bgd fel kolya

youm wafat waldet Nabil


Did you meet your sweet-half in FCI?

-I don't think so


Did you regret for knowing someone in FCI?

-i regret knowing some ppl like Ramy Mahrous and Yousef because i only know them since the 3rd or 4th year
i must have known them since the 1st year


What was your favorite place in the faculty?
-re3ayet el-shapap tab3an


What is the size of our digital photos on your hard disk?
-mash 3aref 2slohom fe kaza 7etta !


What will you do in the last day?
-allah 23alm
-but i think i won't leave until they kick me out


What would you like to say to dof3tnaa?
ذكريات


What would you like to say to other grades -aldof3at altanya- ??
-don't wait until the last year to know wht ur friends really r
u will regret every moment u spent in a fighting or anything
enjoy every moment as it will never come again


i wanna tag Yousef , Moubarak , Tamer , Shrief ,

5/02/2007

يوم التلات




كثيراً ما قرأت قصص الرعب او شاهدت افلام الرعب التي تتحدث عن الجن او الاشباح او اي شيء آخر مرعب.
كلنا فعل........
ولكن ما جعل لدي الجديد لأتحدث عنه هو ما حدث لي بالأمس فقط, فالقرآة او المشاهدة تختلف عن التجربة..! دعونا لا نستبق الاحداث فسوف اقص لكم من البداية....
يوم الثلاثاء الموافق 1-5-2007 عيد العمال اجازة رسمية
كل عائلتي اجازة وهذا قليلاً ما يتكرر
ذهب الجميع في رحلة تستمر لمدة ثلاث ايام خارج القاهرة
اما انا فلا استطيع الذهاب بالطبع فعندي مشاريع ومذاكرة
-هقلب عامي عشان زهقت-
صحوني الساعة 7 تقريباً عشان كانوا عايزين ياخدوا الطريق من بدري
طبعاً معملتش معاهم حاجة لأني مش مسافر فالندالة اشتغلت
حتى سبتهم ونمت ومصحتش تاني غير على صوت الباب بيترزع فيما معناه انهم مشيوا وهما مخنوقين مني.
الساعة 11 حسيت ان في حاجة بتزقني من على السرير طبعاً بعد فترة كبيرة بدات افوق واعرف ان مفيش حد في البيت حاولت انسى اللي حصل وصحيت وخلاص.
بعد إجراءات الصحيان الطبيعية شغلت الكومبيوتر وبما ان مفيش حد في البيت يبقى لازم اشغل السماعات واعليها ولحسن الحظ كمان عندي الصب بتاع يوسف ربنا يخليهولي- يوسف مش الصب طبعاً- شغلت الكومبيتر وشغلت ال 3 ماسينجرات وسيبتهم شغالين ومعلي الصوت عشان لو حد دخل او كلمني اعرف,ورحت حطيت شوية حاجات في الفرن عشان افطر, ورحت الاوضة شغلت التليفيزيون.
كنت بدأت انسى ساعيتها موضوع الحاجة اللي كانت بتزقني بس بعد شوية سمعت صوت من الكومبيوتر مكانش زي اي صوت ماسينجر من ال 3 كان صوت خرفشة غريبة كأن في حاجة بتتاكل, رحت على الكمبيوتر جري اشوف في ايه , لقيت برنامج غريب بتاع فايروسات اسمه AdAware وهو اللي عمل الصوت ده, المفروض ان كده طبيعي , بس اللي قلقني اكتر اني مش منزل البرنامج ده اساساً.
قلت يمكن اخويا اللي نزله ولا حاجة بصيت على البرامج اللي نازله ملقيتهوش فيها خالص, ولا حتى لقيته في البرامج الشغالة في التاسك مانيجر. حاولت اني مربطش بين ده وبين اللي زقني من السرير الصبح بس غصب عني مقدرتش , بدات اقلق شوية. قلت اطفي الكومبيوتر واريح نفسي, حاولت اعمله شت داون بس مبيعملش اي حاجة ولا كاني بكلمه, قلت اجرب اعمل log out خرج فعلاً قلت اسيبه وامشي خلاص مش لازم اطفيه بس وانا ماشي لفت انتباهي حاجة غريبة ! لقيت اسم المستخدم مش خالد لقيته متغير ومكتوب حروف غريبة مش فاهمها اساساً معرفش في انهي لغة بس معتقدش انها في حاجة معروفة اساساً, الاغرب من كده كان الصورة كانت صورة مش طبيعية نهائي مش بيانلها ملامح خالص ومع ذلك مرعبة جداً طلاسم , الغريب كمان ان الحروف اللي مش مفهومة كانت مرعبة اكتر من الصورة. مسكت التليفون اتصلت بواحد صاحبي قعدت اتكلم معاه في الشغل شوية وبعدين ملقيتش حاجة تانية اقولها قفلت معاه.
رحت عند التليفيزيون وحاولت انسى اي حاجة حصلت بس صعب جداً بعد كل ده ,
كان شغال في التليفيزيون شوية برامج تافهة وافلام ملهاش لازمة, قلت اعمل اي حاجة تانية قلت استحمى ولا اي حاجة عشان كنت حاسس اني مخنوق ومش عارف اعمل ايه, دخلت الحمام وسيبت الباب مفتوح عشان مفيش حد في البيت, ويا ريتني ما سيبته, بعد شوية وانا جوه سمعت صوت ضحكة عالية قوي , قلت يمكن برنامج تاني ولا حاجة في الكمبيوتر, بعد شوية اتكررت نفس الضحكة,لبست فوطة وخرجت اشوف في ايه عند الكومبيوتر , لقيته زي مانا سايبه عند الصورة الغريبة بس المرة دي الكلام اتغير , بقى مكتوب "انا هنا" , رجعت تاني ادور على مكان الصوت بس ملقيتش اي حاجة غريبة في الشقة خالص, وانا داخل الحمام حسيت ان في حاجة عديت من ورا ظهري, لفيت بسرعة ملقيتش حاجة بس لفت نظري صورة متعلقة عندنا من زمان بتاعت جد ابويا الصورة دي مرسومة مش متصورة لأنها من زمان جداً, اللي لفت انتباهي في الصورة انها كانت مقلوبة عكس ما هي متعلقة وكنت حاسس ان الصورة بتبصلي قوي رحت اعدل الصورة وانا بعدلها لاحظت حاجة كمان, ان الصورة بتضحك ايوا بتضحك رغم ان معتقدش ان جد ابويا كان بقه واسع قوي كده ولا كان جوة بقه الحاجات الغريبة دي, طبعاً الصورة وقعت من ايدي واتكسرت على الارض بس صوت الضحكة رجع تاني , المرة دي كان الصوت مختلص بصوت عياط جامد جداً بصيت على الصورة المكسورة لقيتها بتنزل دم كتير قوي رحت اوضتي جري قفلتها عليا ونمت واتغطيت رغم الحر وفجأة , سمعت صوت حاجة بترن بإيقاع منتظم ولقيت صوت بيقلي اصحى يا خااااااااااااااااااااااااااااااااااااالد قمت مفزوع لقيت ابويا بيقلي مش هتجهز معانا الشنط عشان السفر ولا ايه , ودي كانت بداية يوم التلات.


4/29/2007

ذكريات

بمناسبة الكآبة اللي ماشية في الدفعة اليومين دول
حبيت اعيطلي بكام كلمة انا كمان
ذكريات


ذكريات, مش ناسيها
بس خايف ذكرى تانية تفوت عليها
بس صعب الذكرى تبهت
صعب فجأة تنتهي
لما ذكرى تكون في قلب
ذكرى فيها كل حب
يبقى لازم ليها عمر
عمر ممدود للأبد
.............
يوم ما كنت هناك بتلعب
لسة فاكر؟
ولا ناسي الاماكن؟
لو نسيت
صعب تنسى
لو تموت الذكرى فيك
يبقى عمرك ما اتولدت
لو تعيش عشانك انت
يبقى هتموت للأبد
...........
كلكم عايشين معايا
كلكم في الذكرى ديا
حتى لو مش هشفكوا تاني
حتى لو ماتت عنيا
كلكم دايماً معايا
حبكم مهوش شوية
.............
قبل ما انسى , افتكرت
عندي كلمة عندي قلب
كلمة بقولها ونفسي تقولها
اللي بينا مكانش حب
الحب مليان بالمواجع
اللي بينا عمرنا
اللي بينا ذكريتنا
كل احلام الهنا
حتى لو تبعدنا دنيا
ذكريتنا في قلبنا

4/23/2007

Hearts

I am holding my life
my life is at my hands
but..........
my hands start shaking
it is shaking harder and harder
every moment something falls from my life
things are broken on the ground
i try to hold every important thing
here hold my family well
keep them in place
there catch my friends before falling
yea now they are held well
save my brain from crashing at the last moment
now i can relax i have held all wht i care about
everything is in place
my family........
my friends.....
my brain.....
let my hands shake as it wants
let any other thing fall
i now don't care..
oh no.............
i forgot
my heart isn't yet held
it is falling
i can't catch it
oh please don't crach
i collect its parts from the ground
it is working
but it is not anymore in its place
after all
thank allah i still have it working
thats all wht i care about now
whatever i hold it ,it would have fall
i know this well
it is not in my hands
even if i have all my life
my heart will never be in my hands


فإن القلوب بين اصبعين من اصابع الرحمن يقلبها كيف يشاء

اللهم ثبت قلوبنا على دينك يا رب العالمين

3/20/2007

القلم الكاذب

محاولاتي الاولى في كتابة الشعر
اتمني متكنش وحشة قوي
حين وددت كتابة شعري ....... لأفضفض بعض الاحزان
فتك العقم اللغوي بفكري....... واصاب الشلل الاقلام
فتخليت لبرهة عنه......... وتناسيت حبيباً جاني
وتخيلت الجرح إلتئم......... وأن القلب بلا اشجان
هب القلم ليكتب قولاً........ مثله يعجز عنه لساني
قلم يكتب كل الكذب.........كاتب يصدق في الاقوال
اكتب كذباً تصفو حياتك....... بالكذب قلماً اوصاني
يصف خلاء العقل وقلبي....... حباً شوقاً قلبي يعناي
إن حدثكم يوماً قلمي...... كذبت كذبت كل اقلامي
إن حدثكم يوماً فرحي....... فالقلب من الحزن رواني
انا اسعد إنساناً دوماً........ انا اصفا البشر الأذهان
الحب جميل يسعدني....... كل الحب حبيبي عطاني
انا من الفرحة ارقص طرباً .....احمل دوماً احلي معاني
هيا يا قلمي اقطر كذباً...... فالكذب يريح الإنسان
ترني سعيد بأكاذيبك ....... ام انك تعلم وتبالي
بالى القلم ووقف اخيراً ...... عن قول الكذب بأشعاري
كذباً صدقاً مهما اقول....... لن اقدر ان اصفك حالي

3/15/2007

أحلي اتنين في الدنيا

في اخر الاحصائيات العالمية اثبتوا ان حالياً هما دول احسن اتنين في الدنيا
بس يا ريت محدش يحسد
وللي لسة ميعرفهمش
في الصورة الاولي الباشمهندس عمرو طارق عادل اعظم مبرمج لعام 2006
وفي الصورة التانية الانسة فرح طارق عادل ملكة جمال العالم لسنتين 2006 و 2007 علي التوالي








1/05/2007

fighter baby

my first video in youtube
A small fight betwwen two kids ( one is little more older :d )

1/04/2007

رحلتي للعين السخنة

بسم الله الرحمن الرحيم

رحلتي للعين السخنة
زي ما واضح من العنوان اني هتكلم عن رحلتي للعين السخنة بس للدقة والامانة هي مش رحلة واحدة هما 3 رحلات والحمد لله ال 3 كانوا احلي من بعض , بس طبعاً مقال واحد مش هيكفي اتكلم عنهم كلهم ويمكن كمان ميكفيش ولا واحد بس منهم , بس مبدأياً انا هتكلم عنهم واحد واحدة ( بالترتيب ) وربنا يسهل ونخلص .
اول رحلة كانت في بداية سنة تالتة وبالتحديد في الاسبوع التاني من الدراسة وتعتبر كانت اكتر الرحلات مشقة وعناء والاسباب هتتضح بعد كده
اهم حاجة في اي رحلة هي الصحبة
واحلي حاجة كانت في الرحلة دي هي الصحبة اللي كانوا مع بعض
وهما
احمد سعيد ( لازم يبقي اول واحد عشان هو صاحب الشاليه )
احمد جمال ( عشان نكمل بالترتيب الابجدي ومحدش يزعل )
حسام صادق ( عشان كان معانا هو كمان ولازم اقوله )
خالد عادل ( عشان اكيد كنت معاهم وإلا مكنتش هعرف احكي حاجة )

طبعاً ولو مكنتوش خدتوا بالكم الرحلة كانت في معاد غريب نسبياً علي الاقل بالنسبة للناس الطبيعيين- اللي احنا مش منهم- لأن الرحلة كانت في الدراسة وده في بعض الناس بيعتبروه شيء غريب –ده رأيهم هما- عشان في محاضرات وحاجات كده بس المعاد طبعاً مكانش بأيدينا – رغم انه لو بأدينا مكناش لقينا احسن منه- المعاد كان اضطراري عشان الشاليه مش مقطوعلنا , الشاليه في الاساس بتاع ابو سعيد ( احمد سعيد بس من هنا ورايح هتعامل بالأسامي الحركية –جمال وسعيد وحسام-) والحمد لله اننا عرفنا نحجزه الكام يوم دول.
ندخل في تفاصيل الرحلة علطول عشان انا بدأت ازهق.
طبعاً عشان دي اول رحلة مكانش لسة عندنا الخبرة الكافية واكتفينا ان كل واحد ييجي بما ثقل وزنه وقل ثمنه من الطعام يعني 5 كيلوا بطاطس مثلاً اي حاجة المهم اكل كتير وخلاص وطبعاً كما هم متوقع محدش جاب كمية كفاية ومهما جبنا الكمية عمرها مابتبقي كفاية حتي لو جبنا حاجة زيادة هنتصرف هنحرقها , نضيعها , ندفنها المهم ان اخر يوم نروح واحنا في حالة شبه حالة الاسري المعذبين في الارض ,’ مش لاقين ولا لقمة ناكلها , عشان لما نروح لأهلنا يعرفوةا اد ايه الخروج ده عناء واننا بنضحي وبنسافر بس عشان نديلهم فرصة يرتاحوا مننا.
برضه لأن دي اول مرة لينا فمكناش مسافرين بأي عربية وياريت قبل ما تتسرع وتقول ايه الدلع ده هو لازم عربية اصبر لحد ما تعرف ايه اللي حصل في المواصلات.
اولاً ولمن لا يعرف فاللوصول للعين السخنة من القاهرة حينها وعلي حد علمي كان كالأتي
ميكروباص او بيجو 7 راكب من رمسييس للسويس : متسألنيش ايه علاقة السويس بالعين السخنة.
ميكروباص تاني من الموقف في السويس إلي موقف العين السخنة اللي في السويس برضه ( رغم ان الموقف نفسه في ميكروباصات بتروح القاهرة متسألنيش اشمعني مبتوصلش هناك )
ميكروباص من موقف العين السخنة إلي العين السخنة نفسها حيث القرية .
لحد دلوقتي الموضوع شكله بسيط اصبر شوية
اول ما وصلنا رمسيس وبعد السؤال عن مكان ميكروباصات اللي بتروح السويس – طبعاً عارفين اسلوب وصف الشعب المصري خاصة اللي مبيبقوش عارفين المكان منهم – وصلنا إلي موقف السويس والغريب اني اعتقدت انه موقف بني ادمين مش موقف ميكروباصات في البداية , وده لأني اول ما دخلت الموقف لقيت ان في ناس كتير راكنين بالمعني الحرفي للكلمة بس الأغرب ان مكانش في ولا ميكروباص واحد, وكان الناس شكلهم غريب يعني مثلاً ست عجوزة راكنة علي الحيطة وشايلة فقيها 170 شنطة او راجل من الواضح انه مكانش مربي دقنه بس هي اللي طولت وهو واقف او ست تانية قاعدة علي الرصيف وماسكة عيل لسة متفطمش وانتوا عارفين طبعاً قاعدة بتعمل ايه , المهم علي الشكل ده ما لا يقل عن 30 او 40 واحد واقفين.
طبعاً شكينا ان ده مش الموقف فسألنا راجل اشيب يظهر عليه الوقار وقلناله هو ده موقف السويس , قالنا اه هو ده موقف الميك الميك الميك – بقيته ساعيتها مركز علي حاجة ورايا – الميك الميك الميكروباااااااااااااااااااااااااااااااااااااااااااااااااااااااااااااااااااااااااااااااااااااص , بصيت علي اللي الراجل كان بيبص عليه لقيته جي بكل هيبته وشموخه , رافع راسه كأنه عارف ان كلنا محتاجينله لقينا الوحش التيوتا داخل الموقف بتاع البني ادمين وشق طريقه وسط الناس بمهارة بارعة والكل بيجري وراه – صدقوني لو شافوا الشعب المصري وهو بيجري ورا المواصلات هيعملوها مسابقة رسمية في الالومبياد بدل سباق قفز الحواجز- وطبعاً هو ولا في باله وماشي سريع جداً- سواق الميكروباص- لأنه واثق ان كده كده هيتملي – الميكروباص اللي هيتملي طبعاً مش السواق – طبعاً احنا استنتجنا بعبقريتنا المعهودة ان ده هو ميكروباص السويس وان ده موقف السويس فعلاً والناس دول مش راكنين لأ دول مستنيين الميكروباص , وبحسبة بسيطة ومع مناظر الناس وهي بتهجم عرفنا ان مفيش فرصة نوصل السويس لو استنينا الدور وطبعاً كان رد الفعل الجماعي وبدون اتفاق مسبق هو الدخول في سباق اللحاق بالميكروباص مع باقي الناسونظراً للياقة البدنية التي نتمتع بيها عشان الناس التانية واضح انهم حاولوا مع ميكروباصات كتير قبله كان لينا السبق للوصول للميكروباص اللهم إلا من بعض الناس اللي كانوا واقفين بعيد جداً معتمدين علي حساباتهم لمكان توقف الميكروباص, طبعاً لما وثلنا للميكروباص – اللي كان لسة موقفش – لزقنا فيه وعلي رأسنا سعيد اللي لقيته مسك في الميكروباص زي ما بيقولو بأديه وسنانه متعلق في الباب بس وحسام وجمال متشعلقين كل واحد في شباك من الشابابيك وانا لازق علي الازاز القداماني مش بقع عشان القصور الذاتي , المهم ان في الاخر وقف الميكروباص قدام بعض الناس اللي واضح انهم كانوا متدربين كويس علي حساب مكان التوقف بدقة وكان في بعض الناس منهم عندهم امل يدخلوا الميكروباص في الاول بس للأسف مكانوش يعرفوا اللي ماسك في الباب ده يبقي مين بس اعتقد انهم اول ما فاقوا من الغيبوبة اكيد عرفوا او علي الاقل الناس حكيلهوم وطبعاً وبفضل مهارات سعيد القتالية قدرنا ناخد موقع متميز في الميكروباص ونجحنا في التحكم بمقاليد الامور وحاول البعض رشتونا لحجز اماكن لهم لكن للأسف ده كان ضد مبادئنا وةاصرينا ان الناس تدخل الميكروباص بترتيب وصولهوم – للميكروباص مش للموقف وإلا كنا احنا مركبناش – بعد ما استقرينا في مواضعنا بصيت ورايا اشوف منظر الموقف عامل ازاي , لقيت الراجل الوقور اللي كان بيقلنا ان هو ده الموقف واخيراً كان فاق من صدمة وصول الميكروباص – بس بعد ايه – وبدأ طبعاً يشكرنا بأسلوب ظريف جداً علي اننا خدنا مكان الناس اللي مستنيين بقالهم 3 ايام – مكنتش اتخيل ابداً ان الوقار ممكن يتحول بالسرعة دي – طبعاً خدنا اللي فيه النصيب من الدعوات المحترمة والكلام المهذب من الناس وبعد رحلة طويلة لن اذكرها- عشان مفيهاش جديد – وصلنا للسويس وبعدين.......
اعتقد ان كده كتير قوي في مرة واحدة
To be continued
واشوفكم الحلقة الجاية

* غني عن الذكر ان تلت تربع الكلام اللي فات ده هجس والباقي من القصة غالباً هيبقي هجس برضه