بمناسبة الكآبة اللي ماشية في الدفعة اليومين دول
حبيت اعيطلي بكام كلمة انا كمان
ذكريات
ذكريات, مش ناسيها
بس خايف ذكرى تانية تفوت عليها
بس صعب الذكرى تبهت
صعب فجأة تنتهي
لما ذكرى تكون في قلب
ذكرى فيها كل حب
يبقى لازم ليها عمر
عمر ممدود للأبد
.............
يوم ما كنت هناك بتلعب
لسة فاكر؟
ولا ناسي الاماكن؟
لو نسيت
صعب تنسى
لو تموت الذكرى فيك
يبقى عمرك ما اتولدت
لو تعيش عشانك انت
يبقى هتموت للأبد
...........
كلكم عايشين معايا
كلكم في الذكرى ديا
حتى لو مش هشفكوا تاني
حتى لو ماتت عنيا
كلكم دايماً معايا
حبكم مهوش شوية
.............
قبل ما انسى , افتكرت
عندي كلمة عندي قلب
كلمة بقولها ونفسي تقولها
اللي بينا مكانش حب
الحب مليان بالمواجع
اللي بينا عمرنا
اللي بينا ذكريتنا
كل احلام الهنا
حتى لو تبعدنا دنيا
ذكريتنا في قلبنا
27 comments:
السلام عليكم و رحمة الله و بركاته
أنا طبعا باشكرك علي الموهبه الجميله ديه ،انك قدرت تعبر عن اللي جوا كل واحد فينا بالكلام ده
بس بجد بلاش كلمة " كا~به..ديه
ان شاء الله نفضل كلنا أسره واحده علي طول
و يا رب يوفقنا كلنا و يكرمنا و ينور لينا طريقنا علي طول
اخر حاجه عايزه أقولها : إن لو في حد زعلان من حد ، يسامحو ... و لو في حد مزعل حد ، يروح علي طول يصالحوا...
السلام عليكم
يالي جوا القلب شايل كل دمع الذكريات
يالي من أحلامي ناسج توب حكاوي وأمنيات
مين يقول راح تبقى ذكرى مهما بينا العمر فات
كل ما بيوحشني صوتك بفتكر طعم السكات
كل ما بتوحشني عينك بفتكر أجمل ساعات
بفتكر حلمك وحلمي بفتكر كل الحاجات
لما كانت ضحكة تطلع فجأة تلقى الهم مات
لما كانت كلمة تسري ينكسر حد الثبات
لما كانت نظرة وحدة تختصر معنى العناد
مهما كان فرقتنا مرة بس كله بالميعاد
مهما في الدنيا هتسرح أو تتوه وسط البلاد
لسه جوا الحلم شايلك زهر مستني الحصاد
بس قبل ما أسيب مكانك قبل ما يحل البعاد
عايز أقولك كلمة حلوة مش حزينة في توب حداد
اوعي يجي يوم علينا تقول دي كانت ذكريات
حبيبي يا خالد
انا والله بحبك في الله أوي..أوي..وبحب قعدتك..ونفسي اكون معاك على طول
وأكون مع دفعتي على طول
ربنا يخليك لينا ويخلينا ليك
ما شاء الله يا خالد الشعر بتاعك عجبني بجد وانت يا عماد الشعر بتاعك رائع رائع رائع فعلا شعر مدمر ربنا يزيدك يا بني بس انا حاسس انها ممكن تمشي قصيدة غزل اكتر :D
السلام عليكم و رحمة الله و بركاته
شعراء الجيل الجديد
ما شاء الله عليكم
بصراحة يا خالد ومن غير نفاق انت من الشخصيات اللي باحترمها في الكلية
ياريت لو انا زعلتك في حاجة او ضايقتك في موضوع تسامحني عليه وانا عن نفسي مفيش ايه حاجة جواي من ناحيتك ويارب يوفق لكل خير
أخوك عامر
حلوه منك يا خالد
رغم ان في حاجات كدا مفهمتهاش
:$
و رائع يا ابو شعر قصدي يا شاعر الجروب .
يا احمد يا عماد
:D:D
@Howida
Thanx for ur comment
بس هي كآبة ملهاش معنى تاني غير كده
ممكن نقول نكد مثلاً لو كآبة مزعلاكي قوي كده
@عماد
الله يسامحك يا عماد
مش هرد عليك
ليه الاحراج ده بس
طب انا بهرتل بكتب اي حاجة تعبر عن اللي حاسس بيه
تقوم تحرجني كده
اهو الناس هترد على اللي انت كاتبه وتنفضلي
بس عامة شكراً يا عماد
البلوج منورة بردك
@مبارك
الله يكرمك يا مبارك
والله انا بحب الدفعة كلها تقريباً
الواحد فعلاً مبيحسش بقيمة الناس إلا لما بيحس انه هيسبهم
ربنا ميجبش فراق ابداً يا رب
@سعيد
شكراً يا سعيد
اول مرة تنور البلوج بردك
ليا الشرف طبعاً
شفت بقى يا عماد اهوه نفضلي وعمال يتكلم على اللي انت كاتبه
بس بصراحة تستاهل
بس انا اتلخبطت
انهي اللي تمشي غزل اكتر اللي انا كاتبه ولا اللي عماد كاتبه
@ عامر
شكراً يا عامر على ردك
بس بلاش شعراء دي عشان متهزقش الشعر
وانا الحمد لله مسامحك على اي حاجة انت عملتها ليا وانا معرفهاش لأني مفتكرش انك زعلتني اساساً
ومسامح اي حد في الدفعة عملي اي حاجة
وربنا يكرمنا جميعاً وكله يسامح كله
@ عيسوي
عيسوي والله بحبك يا عيسوي
وان شاء الله مش هنفارق بعض ابداً
ولا نسيت FuTeX Company
بس مش شايف حاجة مش مفهومة
يمكن قصدك بقى على الل عماد كاتبه :d
ما شاء الله عليك ياخالد
شعرك ينم عن وجود معاني كتيره داخل بطنك
علي رأي المثل
المعني في بطن الشاعر
المهم بس أنا أتخنقت من الكأبه ده كل الناس كده عايزين حد يعمل موضوع فرايحي كده
@ثابت
ماشي يا ثابت
هو انت كل حاجة عندك ليها علاقة بالبطن
ناس مفجوعة صحيح
عامة اكتب انت الموضوع الفريحي اللي بتقول عليه ده
مانتا مش فارق معاك انا عارف مهتصدق تسيبنا
gamil awy ya Khaled el sh3r dah :) bayn 3lik mohob rbna m3ak :D
you are a good person :)
@Anonymous
who are you ?
@ ramy
يا رامي الشعر ده يمكن عجبك بس انا لو هكتبلك انت مش هيكفيني 100 قصيدة
@ Anonymous
thnx
@ sa7by
ya 27'y 2nta malak
ma elly y2ol kouys y2ol
7atta d hatposelly feha
Wonderful..nice words
@NeSmA
thanx NeSmA big N , S , and A :d
laa tb3n ya Khaled, 2sybo ezay y2ol 3lik enk koys ???!!
:D thx alot for Big N , S , A :D:D
سلام عليكم
يمكن الكومينت بتاعي متأخر شويه بس معلش ماكنتش عارفه انك انت كمان اديتها كآبه :$
بجد الشعر بتاعك ده لخص الاربع سنين اللي السنه الجايه هنقول الاربع سنين اللي فاتو :D
وبجد كمان شعر أحمد عماد رائـــع ان شاء الله تبقوا مع بعض على طول وماتبقوش مجرد ذكرى لبعض
على فكره انا قلتها لاحمد عيسوي قبل كده :)
ان الجروب يتاعكم ده اكتر جروب بحترمه في الدفعه ربنا يكرمكم يارب وماتتفرقوش ابداً
srry el comment tweel shoyea:$
@rehab
thanx 4 commenting
ربنا يستر والجروب اللي اكتر جروب بتحترميه في الدفعة ده يكمل مع بعض دي هتبقى احسن حاجة حصلتلنا كلنا
ادعولنا
Post a Comment