7/08/2010

الدقائق الثلاث

هناك تجربة تدعى "Marshmallow test".
حيث يتم في هذا الإختبار وضع قطعة من حلوى المارشميلو أمام طفل ما ويتم اخباره أنه إذا التزم بعدم أكلها لمدة معينة -10 دقائق مثلاً- سيتم منحه قطعة اخرى ، أما إذا لم يلتزم وأكلها قبل مرور هذه المدة ، فلن يتم منحه القطعة الاخرى بالطبع . وتقول هذه التجربة أو الدراسة أن الأطفال الذين يستطيعون التغلب على رغبتهم في تناول قطعة الحلوى هم أطفال أنجح في حياتهم ودراستهم.

ماذا لو قلنا أننا سنقوم بهذه التجربة نفسها علينا ، لكن لن يكون الهدف هو الامتناع عن تناول قطعة حلوى ، وبالطبع لن تكون المكافأة مجرد قطعة حلوى أخرى. ماذا لو قلنا أن الأختبار هو أن تمتنع لمدة ثلاث دقائق فقط عن الكذب ، عن السرقة ، عن الظلم ، نعم ، لمدة ثلاث دقائق فقط وربما أقل ، ماذا لو قلنا أن نمتنع عما حرمه الله علينا لمدة ثلاث دقائق فقط ، والجزاء بعد تلك الدقائق ، أن تعيش في نعيم ما بقي من عمرك ، أن تعيش بدون مرض ، أن تتمنى فتنال كل ما حلمت به أو تخيلته يوماً.

نعم إنها ثلاث دقائق فقط وربما أقل ، هي كل ما نعيشه.
ولكي تدرك ما أعني فتخيل معي هذه الآيات من سورة المعارج:

( سَأَلَ سَائِلٌ بِعَذَابٍ وَاقِعٍ . لِلْكَافِرِينَ لَيْسَ لَهُ دَافِعٌ . مِنَ اللَّهِ ذِي الْمَعَارِجِ . تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ . فَاصْبِرْ صَبْرًا جَمِيلًا . إِنَّهُمْ يَرَوْنَهُ بَعِيدًا . وَنَرَاهُ قَرِيبًا . يَوْمَ تَكُونُ السَّمَاءُ كَالْمُهْلِ . وَتَكُونُ الْجِبَالُ كَالْعِهْنِ . وَلَا يَسْأَلُ حَمِيمٌ حَمِيمًا)

والشاهد من هذه الآيات أن يوم القيامة -كما في الآيات- مقدراه خمسون ألف سنة.
الحديث هنا ليس عن الخلود في الجنة أو في النار ، الحديث هنا فقط عن يوم واحد هو يوم القيامة ، اليوم الذي يحاسب فيه كل بني آدم ، هذا اليوم وحده إذا قسنا مدته بمقاييس عالمنا هذا ، سنجد أنه يساوي خمسين الف سنة ...

إذا افترضنا جدلاً أن الإنسان يعيش مائة عام -ومتوسط عمر الإنسان أقل من ذلك بالطبع - وبحسبة بسيطة ستجد أن تلك المائة عام ، تقريباً تعادل ثلاث دقائق فقط من يوم القيامة .

أي أن كل المدة التي أُمرنا أن نلتزم فيها ، ونتبع تعاليم ديننا ، وكل ما نتخيل أنه صبر ومعاناة ، وكل ما نتكاسل عنه ونقول أننا لا نستطيع وأننا نخاف أو أننا لم نعتد عليه ، وغيرها من الأسباب التي نحاول أن نختلقها لأنفسنا . كل هذا يستمر فقط لما يقل عن ثلاث دقائق بمقاييس يوم القيامة .

فلنصبر ونحتسب ، ولنتعلم ما أمرنا الله به ، ولنحرص على طاعة الله .
فلنتذكر ونتدبر ، فلنتعلم حسن الخلق ، فلنعش في هذه الدنيا كما أمرنا الله ان نعيش ، وكلما وجدنا فيها أمراً فيه مشقة ، فلنتذكر أنها كلها ثلاث دقائق ... وربما أقل .

(قَالَ كَمْ لَبِثْتُمْ فِي الأرْضِ عَدَدَ سِنِينَ * قَالُواْ لَبِثْنَا يَوْماً أَوْ بَعْضَ يَوْمٍ فَاسْأَلِ الْعَآدّينَ * قَالَ إِن لّبِثْتُمْ إِلاّ قَلِيلاً لّوْ أَنّكُمْ كُنتُمْ تَعْلَمُونَ ) المؤمنون 112-114

2/14/2008

وتتساقط اوراق الشجر

ورقة اخرى
ربما هي الاولى , لكنها ليست الاخيرة
هكذا تقول المعطيات
فالرياح لن تتوقف يوماً
والورق لن يتوقف يوماً عن السقوط
بعضه يسقط فيظل تحت الشجرة التي كانت تأويه
ولكن البعض الآخر يتهاوى فتحمله الرياح بعيداً جداً
ربما في حديقة اخرى
او بلد اخر
لتبتعد الورقة عن الاوراق التي تهاوت معها من نفس الشجرة
تفرقهم رياح الشتاء
ولكن
في اي مكان
عندما تهب الرياح
ستقول اوراق الشجر اينما كانت
يوماً ما كنا هناك
في نفس الشجرة
في نفس الحديقة
وتتمنى كل ورقة من داخلها
لو تأتي الرياح مرة اخرى
صيفاً او شتائاً او حتى نسمات الربيع العليلة
لتعيدها مرة اخرى تحت نفس الشجرة
ولكن السؤال !
هل عندما تعود ستجد باقي الاوراق هناك ؟
ام ان الرياح ستحملها هي الاخرى إلى مكان اخر ؟

10/30/2007

How to be a good programmer

لقيت الموضوع ده ولقيته مفيد جداً عشان اي واحد عايز يبقى مبرمج كويس بجد


Want to be a good programmer ? If so, follow these programming practices and guidelines:

1) Never write a line of code that someone else can understand.

2) Make the simplest line of code appear complex. Use long counter intuitive names.
Don't ever code "a=b", rather do something like this :

AlphaNodeSemaphore=*(int)(&(unsigned long)(BetaFrameNodeFarm));

3) Type fast, think slow.

4) Never use direct references to anything ever.
Bury everything in macros.
Bury the macros in include files.
Reference those include files indirectly from other include files.
Use macros to reference those include files.

5) Never include a comment that will help someone else understand your code.
If they understand it, they don't need you.

6) Never generate new sources. Always ifdef the old ones. Every binary in the world should be generated from the same sources.

7) Never archive all the sources necessary to build a binary. Always hide on our own disk. If they can build your binary, they don't need you.

8) Never code a function to return a value. All functions must return a pointer to a structure which contains a pointer to a value.

9) Never discuss things in concrete terms. Always speak in abstract. If they can understand you, they don't need you.

10) Never complete a project on time. If you do, they will think it was easy and anyone can do it and they don't need you.

11) When someone stops by your office to ask a question, talk forever, but don't answer the question. If they get their questions answered, they don't need you.

12) Load all sentences either written or spoken with alphabet soup. When someone asks you out to lunch, reply:
"I can't because I've almost got my RISC-based OSI/TCP/IP client connected by BIBUS VMS VAX using SMTP over TCP sending SNMP inquiry results to be encapsulated in UDP packets for transmission to a SUN 4/280 NFS 4.3 BSD with release 3.6 of RPC/XDR supporting our ONC effort working."

13) Never clean your office. Absolutely never throw away an old listing.

14) Never say hello to someone in the hallway. Absolutely never address someone by name. If you must address someone by name, mumble or use the wrong name.
Always maintain the mystique of being spaced out from concentrating on complex logic.

15) Never wear a shirt that matches your pants. Wear a wrinkled shirt whenever possible.
Your shirt must never be tucked in completely. Button the top button without wearing a tie. This will maximize your mystique.

10/22/2007

إشهار اسلام

بسم الله الرحمن الرحيم

كتير قوي نسمع ان في كذا اسلم
او يتبعتلنا ميل بيقول ان في مش عارف مين اسلم
والعكس برضه ممكن نسمع ان في فلان تنصر او ألحد او اي حاجة تانية
اه ممكن يكون الحجات دي بتحصل ده امر طبيعي جداً
الردة موجودين من زمان
وبرضه اللي بيشهروا اسلامهم من يوم البعثة وهما كتير جداً كل يوم
بس اغلبنا عمره ما شاف حد اشهر اسلامه بنفسه
ولا شاف حد اتنصر او الحد
فده كان بيخليني شخصياً اشك في حاجات كتير من اللي بتتقال
بس النهاردة وجهة نظري اتغيرت شوية وبقى ممكن اصدق بسهولة
وعشان تفهموا ليه اسمعوا

القصة من اولها:
النهاردة يوم الاتين كنت في القسم
مش عاشن خناقة ولا حاجة لا سمح الله
لأ ده عشان بقدم ورقي عشان التجنيد
المهم
وانا في المكان اللي بيتعمل فيه الفيش الجنائي واللي برضه بيتسلم فيه الفيش الجنائي
كان في كذا واحد بيعملوا فيش
وكان في واحد واقف جنبي بيدور في الفيشات الخلصانة على الفيش بتاعه
والفيش -للي ميعرفش- بيبقى فيه جزء تحت خاص بالسبب من عمل الفيش
الطبيعي ان السبب بيبقى للعمل او السفر او التجنيد
والراجل اللي واقف جنبي ده بيقلب ف الورق
بالصدفة البحتة شفت ورقة ولفت انتباهي قوي السبب اللي مكتوب تحت
لقطت منه اول كلمتين
اشهار اسلام
انا استغربت جداً
وده لسببين
الاول زي ما قلت قبل كده اني مش متعود اشوف حالة زي دي بعيني
والتاني اني مكنتش متخيل ان حتى دي محتاجة فيش جنائي
المهم بقى انا مسكتش على كده
بعد ما الراجل ده خلص
مسكت الفيشات وبدأت ادور على الورقة تاني لحد ما لقيتها
والبيانات اللي فيها حفظتها
السبب كان اشهار اسلام للاحوال المدنية
الاسم كان: نيفين ( حاجة ) ( حاجة )
محل الميلاد : بني سويف
محل الاقامة: شارع ( حاجة ) رقم (حاجة ) عين شمس
مبصيتش الصراحة على تاريخ الميلاد
* الحاجتا اللي بين اقواس دي انا فاكرها

بس انا طبعاً كنت فرحان وده هون عليا ال 3 ساعات اللي اتلطعتهم ف القسم وحبيت افرحكم معايا

10/13/2007

بعد رمضان

بعد رمضان

وفي مكان ما من ارض الوطن الاسلامي

وقف مارد من مردة الشياطين يخاطب الشياطين الزغنين ويقلهم

الله الله الله

بقى هو ده اللي انا قلتلكم عليه

بقى اغيب شهر واحد –بمزاجي طبعاً- عشان كنت بصيف ف مارينا زي مانتوا عارفين

شيطان صغنن يهمس ف الشيطان اللي جانبه : قالك مارينا... يا عم روح دانتا بقالك شهر ف الحجز عمال بتاخد على قفاك

المارد: بتقول ايه ياد انت وهو اللي واقفين هناك

مش عايز اسمع نفس

مش كفاية المصيبة اللي انتوا فيها

بقى اغيب شهر ارجع الاقى اكتر من 99% من المسلمين بقوا بيصلوا كل الفروض!

وكمان الاقي ان في اكتر من 2 مليون بنت لبسوا الحجاب طول الشهر... لأ وكمان حجاب محترم!

وكمان حبايبنا الللي مكانوش بيطيقوا يشوفوا المسجد بقوا يصلوا هناك بالفرض والاتين كل يوم

وكله كوم والناس اللي بيصلوا التراويح دول كوم

ده انا سمعت كمان ان في ناس بيصلوا التهجد ... وناس اعتكفوا

بالزمة مش مكسوفين من نفسكوا

شيطان صغنن: والله يا باشا احنا كنا بنعمل اللي علينا ومبطلناش وسوسة طول الشهر

المارد: يا سلام .. وانت بتسمي لعب العيال اللي انت بتعمله ده وسوسة؟

الشيطان الصغنن: يعني هنعمل ايه اكتر من اننا نقلهم ان الحاجة الحرام حلوة روحوا اعملوها

المارد: يا سلام ! بالبساطة دي؟ وقال انا اللي فاكر اني سايب ورايا رجالة!

حاجة تسد النفس

السنة دي لازم تاخدوا دورات مكسفة

انا هوصي ابلة عفريتة تزودلكم حصص فنون الوسوسة ف المقررات

بس عامة انا كنت عامل حسابي على كده

كل شيء مدروس

ويا ريت تتعلموا مني اليومين دول وشوفوا المليطة اللي هتحصل ف العيد

دانا ورايا شغل كتير على ما انسي الناس دي كلها المسجد وارجع ازرع ف قلوبهم الاغاني والبنات.

وكل البنات دول لسة عايز اقنعهم تاني ان حرام عليهم يداروا الجمال الفظيع بتاعهم والشعر الحرير بلبس الحجاب وكمان الجيبات واللبس الواسع ده .. لازم اقنعها انهم كده مش هيعرفوا انها بنت اساساً

بس انا منزلهم السنة دي كام حاجة ف العيد يهبلوا

اقنعت الممثل بحلوق المبحلق انه يعمل ف الفيلم بتاعه رقصتين و4 بوسات وهينزله ف العيد عشان يساعد معايا

لأ وكمان اقنعت 3 دور عرض انهم يخفضوا تمن التذاكر عشان الاقبال يزيد شفت التكتيك يا هفئات ... مش يقلي نقنعه انه حلوة!... روح يا تافه , يا خسارة تربيتي فيكوا يا كلاب.

اه اما بالنسبة للأخوة القراء البني أدمين فأنا احب اوجهلم رسالة

اطمن يا ابني وانتخ على الآخر , الحياة مية مية وكله تمام

ولو شايف انك وحش عشان مبتصليش ف الجامع فاحمد ربنا انك بتصلي اساساً امال ايه يا ابني ده انت كده زي الفل..... بتقول ايه مش بتصلي كل الفروض اساساًَ., وماله برضه يا حبيبي مهو الجمعة للجمعة مكفرات وبعدين هو في حد بيتعاقب على حاجة معملهاش؟ لأ طبعاً , طيب يبقى ازاي هتتعاقب عشان مصليتش , شفت انك زي الفل اهوه!

ولو زعلان انك بتخرج كتير مع اصحابك ومقضينها هزار وضحك فانت تحمد ربنا ان اصحابك ولاد .. ايه بتقول كل اصحابك بنات؟ يا اخي وماله طالما ماشي معاهم محترم وبتعاملها زي اختك بالظبط .. مش انت بتبوس اختك برضه ؟ شفت بقى ان نيتك سليمة !

وانت يا عم ياللي بتشرب سجاير .. مش برضه ده احسن من انك تشرب حشيش ولا بانجوا؟ بتقول ايه , بتشرب حشيش؟ طيب وماله ما في ناس بتضرب ماكس وبتشم هروين وحتى دول كمان كويسين يا اخي اديك بتأذي نفسك بس مبتضرش حد غيرك!

اه واخوتنا البنات الحلوين مالك كده زعلانة عشان مش لابسة حجاب؟ يا ستي يعني هما اللي لابسين حجاب كانوا بيعملوا ايه عدل ولا هي مظاهر على الفاضي؟ بتقولي ايه كمان , لبسك ديق؟ وماله يا حبيبتي ديقي لبسك وافرحي مش احسن ما تمشي من غيره خالص ولا تنحرفي وترقصي؟ وبعيدن حتى الرقاصة مالها مهي بتكسب لقيمتها من تعبها مش احسن ما تشتغل شحاتة ولا تعيش عالة على المجتمع وبعدين دي بتعمل رواج سياحي وبتنعش الحركة الاقتصادية ف البلد!

شفتوا بقى يا حبيابي انكم كلكم حلوين وجمال وزي الفل ؟

مع السلامة واشوفكوا يوم القيامة

وابقوا قابلوني

10/07/2007

حاجات كتييير

بسم الله الرحمن الرحيم

بقالي كتييير جداً مكتبتش حاجة هنا
يمكن السبب ف كده اني - على عكس اغلب الناس - نادراً لما بستخدم البلوج عشان افرغ انفعلات او احكي عن موقف
بالنسبالي البلوج هي المكان لما بحس اني جتلي فكرة لحاجة جديدة او عايز اجرب حاجة معملتهاش قبل كده
وده لأني عارف ان ف اغلب الاحيان الناس مبيهمهاش تسمع حكاوي مملة
واي حد بيتكلم عن نفسه ف الغالب بيطلع ممل حتى لو محسش بكده
واقرب مثال على كده الكلام اللي بتقراه دلوقتي
كلام ممل , مش كده؟
بس الصراحة دي البلوج بتاعتي وحتى لو الكلام ممل فده شيء ميخصنيش لأني مضطر افرغ هنا انفعلاتي على غير عادة

رغم ان الفترة اللي فاتت كان فيها احداث كتييير جداً حصلتلي إلا اني معرفتش اكتب عنها حاجة خالص
يمكن من يوم ما اتخرجت مكتبتش حاجة
مكتبتش عن المقابلات اللي كنت بعملها عشان ادور على شغل
ومتكلمتش عن ازاي جالي الشغل فجأة واشتغلت فجأة
ومتكلمتش عن اني بقيت خال لبنوتة زي العسل اسمها رزان
يمكن كل اللي فات ده مكانش ضروري اتكلم عنه لأن كل ده مغيرش فيا حاجة
اشتغلت بس فضلت خالد عادل
بقيت خال بس لسة خالد عادل برضه
بس الحاجة اللي مينفعش افضل بعدها خالد عادل
هي وفاة والدي الله يرحمه
على الاقل بقيت خالد ابن المرحوم عادل سلامة
رغم ان لسة وقع الكلمة غريب عليا ولسة برضه مش متخيل تماماً الحقيقة
إلا ان ده غير فيا كتير
على الاقل جوايا حتى لو محدش شاف ده
اول ما بدأت اكتب بصراحة كان في دماغي اني هحكي شوية عن الموقف وازاي وامتى وليه
بس واضح اني مش هقدر
هكتفي بس بالنتائج رغم انها لما تتقال لوحدها مش هيبقى ليها نفس الاثر

النتيجة اني عرفت لأول مرة قد ايه انا كنت بحب والدي
وقد ايه انا كنت مقصر معاه
وندمت جداً على كل لحظة زعلته فيها او اعترضت عليه او حتى اتناقشت معاه وهو مكانش عايز يتناقش
ندمت على كل مرة مسمعتش فيها كلامه بسرعة
وعرفت ان برغم كل اللي انا كنت بعمله معاه ده عمره ما اتأخر عليا ف اي حاجة كنت بعوزها حتى لو بينلي غير كده
الكلام ده ممكن يبقى ملهوش فايدة دلوقتي بالنسبالي عشان مش هقدر اغير من الحقيقة حاجة
مقدرش دلوقتي غير اني اعوض ده ببر والدتي
والدعاء لوالدي الله يرحمه
وحاجة كمان
نفسي والله اوصي اي حد يقرى الكلام ده انه دلوقتي حالاً جري لو في حد من والديه موجود يروح جري يبوس ايديهم ورجلهم والله مش عيب والله مش مستاهلة كبر
ربنا يخليلكم اهلكم جميعاً بس محدش يضمن هو هيقدر يبر والده او والدته لحد امتى
احتمال ف مرة تانية ابقى احكي اللي حصل للعظة بس مش قادر دلوقتي

السلام عليكم

9/01/2007

Your dream job

For people who dream to work in Microsoft try this link for the Microsoft Innovation Center in Cairo (CMIC)

And for those who wanna work in Google try one of these links
Software Engineer, Video Ads - Mountain View
Front End Java Engineer - Mountain View

for more jobs visit
Google jobs
CMIC jobs