5/02/2007

يوم التلات




كثيراً ما قرأت قصص الرعب او شاهدت افلام الرعب التي تتحدث عن الجن او الاشباح او اي شيء آخر مرعب.
كلنا فعل........
ولكن ما جعل لدي الجديد لأتحدث عنه هو ما حدث لي بالأمس فقط, فالقرآة او المشاهدة تختلف عن التجربة..! دعونا لا نستبق الاحداث فسوف اقص لكم من البداية....
يوم الثلاثاء الموافق 1-5-2007 عيد العمال اجازة رسمية
كل عائلتي اجازة وهذا قليلاً ما يتكرر
ذهب الجميع في رحلة تستمر لمدة ثلاث ايام خارج القاهرة
اما انا فلا استطيع الذهاب بالطبع فعندي مشاريع ومذاكرة
-هقلب عامي عشان زهقت-
صحوني الساعة 7 تقريباً عشان كانوا عايزين ياخدوا الطريق من بدري
طبعاً معملتش معاهم حاجة لأني مش مسافر فالندالة اشتغلت
حتى سبتهم ونمت ومصحتش تاني غير على صوت الباب بيترزع فيما معناه انهم مشيوا وهما مخنوقين مني.
الساعة 11 حسيت ان في حاجة بتزقني من على السرير طبعاً بعد فترة كبيرة بدات افوق واعرف ان مفيش حد في البيت حاولت انسى اللي حصل وصحيت وخلاص.
بعد إجراءات الصحيان الطبيعية شغلت الكومبيوتر وبما ان مفيش حد في البيت يبقى لازم اشغل السماعات واعليها ولحسن الحظ كمان عندي الصب بتاع يوسف ربنا يخليهولي- يوسف مش الصب طبعاً- شغلت الكومبيتر وشغلت ال 3 ماسينجرات وسيبتهم شغالين ومعلي الصوت عشان لو حد دخل او كلمني اعرف,ورحت حطيت شوية حاجات في الفرن عشان افطر, ورحت الاوضة شغلت التليفيزيون.
كنت بدأت انسى ساعيتها موضوع الحاجة اللي كانت بتزقني بس بعد شوية سمعت صوت من الكومبيوتر مكانش زي اي صوت ماسينجر من ال 3 كان صوت خرفشة غريبة كأن في حاجة بتتاكل, رحت على الكمبيوتر جري اشوف في ايه , لقيت برنامج غريب بتاع فايروسات اسمه AdAware وهو اللي عمل الصوت ده, المفروض ان كده طبيعي , بس اللي قلقني اكتر اني مش منزل البرنامج ده اساساً.
قلت يمكن اخويا اللي نزله ولا حاجة بصيت على البرامج اللي نازله ملقيتهوش فيها خالص, ولا حتى لقيته في البرامج الشغالة في التاسك مانيجر. حاولت اني مربطش بين ده وبين اللي زقني من السرير الصبح بس غصب عني مقدرتش , بدات اقلق شوية. قلت اطفي الكومبيوتر واريح نفسي, حاولت اعمله شت داون بس مبيعملش اي حاجة ولا كاني بكلمه, قلت اجرب اعمل log out خرج فعلاً قلت اسيبه وامشي خلاص مش لازم اطفيه بس وانا ماشي لفت انتباهي حاجة غريبة ! لقيت اسم المستخدم مش خالد لقيته متغير ومكتوب حروف غريبة مش فاهمها اساساً معرفش في انهي لغة بس معتقدش انها في حاجة معروفة اساساً, الاغرب من كده كان الصورة كانت صورة مش طبيعية نهائي مش بيانلها ملامح خالص ومع ذلك مرعبة جداً طلاسم , الغريب كمان ان الحروف اللي مش مفهومة كانت مرعبة اكتر من الصورة. مسكت التليفون اتصلت بواحد صاحبي قعدت اتكلم معاه في الشغل شوية وبعدين ملقيتش حاجة تانية اقولها قفلت معاه.
رحت عند التليفيزيون وحاولت انسى اي حاجة حصلت بس صعب جداً بعد كل ده ,
كان شغال في التليفيزيون شوية برامج تافهة وافلام ملهاش لازمة, قلت اعمل اي حاجة تانية قلت استحمى ولا اي حاجة عشان كنت حاسس اني مخنوق ومش عارف اعمل ايه, دخلت الحمام وسيبت الباب مفتوح عشان مفيش حد في البيت, ويا ريتني ما سيبته, بعد شوية وانا جوه سمعت صوت ضحكة عالية قوي , قلت يمكن برنامج تاني ولا حاجة في الكمبيوتر, بعد شوية اتكررت نفس الضحكة,لبست فوطة وخرجت اشوف في ايه عند الكومبيوتر , لقيته زي مانا سايبه عند الصورة الغريبة بس المرة دي الكلام اتغير , بقى مكتوب "انا هنا" , رجعت تاني ادور على مكان الصوت بس ملقيتش اي حاجة غريبة في الشقة خالص, وانا داخل الحمام حسيت ان في حاجة عديت من ورا ظهري, لفيت بسرعة ملقيتش حاجة بس لفت نظري صورة متعلقة عندنا من زمان بتاعت جد ابويا الصورة دي مرسومة مش متصورة لأنها من زمان جداً, اللي لفت انتباهي في الصورة انها كانت مقلوبة عكس ما هي متعلقة وكنت حاسس ان الصورة بتبصلي قوي رحت اعدل الصورة وانا بعدلها لاحظت حاجة كمان, ان الصورة بتضحك ايوا بتضحك رغم ان معتقدش ان جد ابويا كان بقه واسع قوي كده ولا كان جوة بقه الحاجات الغريبة دي, طبعاً الصورة وقعت من ايدي واتكسرت على الارض بس صوت الضحكة رجع تاني , المرة دي كان الصوت مختلص بصوت عياط جامد جداً بصيت على الصورة المكسورة لقيتها بتنزل دم كتير قوي رحت اوضتي جري قفلتها عليا ونمت واتغطيت رغم الحر وفجأة , سمعت صوت حاجة بترن بإيقاع منتظم ولقيت صوت بيقلي اصحى يا خااااااااااااااااااااااااااااااااااااالد قمت مفزوع لقيت ابويا بيقلي مش هتجهز معانا الشنط عشان السفر ولا ايه , ودي كانت بداية يوم التلات.


45 comments:

khaled adel said...

عشان بس لو حد صدقني ولا حاجة الكلام ده كله هجص طبعاً ولا حقيقة ولا حتى حلم

Ramy Mahrous said...

aih yad el r7'ama dih :D:D:D:D:D

Ramy Mahrous said...

bs koys enk 2st7meeeet :D

Mai_3ssam said...

:D:D:D:D:D:D:D:D a el-5ayal el-was3 dah .ba6lo ba2a elle betshrabo dah :D:D:D:D:D:D

Ahmed Essawy said...

جامده جدا يا بشمهندس .
دا فيلم رعب في سينما مش مقاله في بلوج بقراه الساعه 3 بالليل .
:D:D:D

Anonymous said...

انت ولد موهوب فكريا و عاطفيا
فكريا علشان عرفت ازاي تألف قصه وعاطفيا علشان عرفت تعمل بلوج وتحط فيه القصص ديه انا احيك ايها الولد مثلك لا ينام له عقل انت ميه ميه وربنا معاك

Anonymous said...

@Essawy
يا اخ عيسوي استاذنا خالد مش سواق ميكروباص علشان تقولو يا بشمهندس
يا تقول يا خالد وده صعبه جدا يا تقول يا بشمهندس خالد يا تقول استاذ خالد

Ahmed Mubarak said...

حبيبي يا خالد بتفكرني بنفسي..الغلاسة فن برضوة اقدملك احترامي

khaled adel said...

@khaled

ما كلنا عارفين انه هجص باينة قوي يعني

khaled adel said...

@ Ramy
اولاً دي مش رخامة
دي طبيعتي زي مانتا عارف
ثانياً
مين قالت اني استحميت مانا ملحقتش
:d

khaled adel said...

@Mai
ده مش نتيجة شرب والله
ده بس من تأثير الشغل في المشروع

khaled adel said...

@Essawy
انا كاتب القصة دي مخصوص عشانك عشان عارف اك بتحب الحاجات دي يا عيسوي
اي خدمة
بس على فكرة الصورة دي موجودة بجد في البيت
مش عارف بقى هترضى تيجي اجتماعات عندي تاني ولا ايه النظام

khaled adel said...

@s7by
اولاً: شكراً يا سيدي
بس مش قوي كده يعني
ثاياً: محدش يرد على الناس اللي بتكتب هنا غيري انت فاكرني رامي ولا ايه
ثالثاً بقى: عيسوي باشا يقول اللي هو عايزه ان شا الله حتى يقلي ياد يا خالد
ميخصكش

khaled adel said...

@Mubarak
ده شرف ليا طبعاً انك تحطني في تصنيف واحد معاك في الغلاسة
بس مينفعش التلميذ يعدي استاذه
ثم حتى لو بقيت زيك في الغلاسة مش هبقى زيك في حاجات تانية :d

Ahmed Said said...

علي فكرة يا خالد انا قريت المقال دلوقتي وانا قاعد لوحدي في الشقة :(:( ربنا يهديك بعدين انا مش هجيلك البيت تاني كده:)

khaled adel said...

@ Said
اه ده اللي انا كنت خايف منه يا سعيد
كان المفروض اكتب قبل القصة للكبار فقط ومش لأعضاء الجروب
امال لما تيجي وافرجك صورة جد ابويا دي
ربنا معاك يا سعيد
تخيل بقى انا قاعد لوحدي بقالي 3 ايام
انا بعد ما كتبتها خفت اقراها تاني

Ahmed Said said...

والأجتماع عندك النهاردة كمان
ربنا يستر
:D:D:D:D:D:D

Anonymous said...

لا يا كتكوت انا ارد في اي حته و ده شرف كبير انك تتشبه بالبشمهندس رامي انت تطول انا معرفهوش شخصيا بس اسمع عنه
:D
لا يخصني ياد ياخالد

Ramy Mahrous said...

aih kol el replies dih ??? :D

@m7dsh y2ol 3la s7by eno koys
thnx for ur nice words, bs brdo mlksh d3waa :-)

khaled adel said...

@ Said
انا لو مكانك مجيش واتحجج بموضوع القصة دي وخلي التيم ليدر يعمل اللي هو عايزه

khaled adel said...

@Ramy

شكراً يا ابو رامي هو ده العشم برضه
هو انت هتنقلي على الردود كمان ده انت آخر واحد تتكلم في الموضع ده
بس بصراحة مينفعش انك تسيب اي حد يرد على اي حد في بلوجك
مش كده ولا ايه
:d

Ahmed Mubarak said...

ياريت توضح ومتحورش..بس يستحسن لوحدنا ..
:D:D:D

Rehab Mostafa said...

:| wala 7ata 7lem :D
tab ana awel ma2reet 2olt akeed 7lm ro3b :D
el 7amd lelah eny ma2rtosh beleel:D:D
bs bgd ana mot mn el d7k ma5oftsh :D:D:D:D

khaled adel said...

@ mobarak
mat7'afsh msh hasy7lk
:D :D

khaled adel said...

@rehab
انتي كده زعلتيني المفروض اني كاتب الكلام ده عشان يخوف
بس عامة انتي الوحيدة اللي قلتي انه يضحك
مش مشكلة المهم انه ميبقاش ممل

Anonymous said...

تجربه ناجحه جدا من خالد
انا كنت فاكر ان الحكايه حلم بجد
لو ماكنش عارف خالد كنت قولت تخاريف قبل النوم
اتمنى ليك مستقبل مش اللي هوا بس يجي
منو
الف مبروك

khaled adel said...

@moody117
شكراً يا احمد
منور البلوج بردك

Hossam Sadik said...

حاد بيجيب سيرة الليدر,
انت عارف ياخالد ممكن نقلبلك القصه كلها حقيقة حتى اسأل عيسوى , انتظر فى اقرب اجتماع جروب
:D

khaled adel said...

@ hossam
هو حد جاب سيرتك انا بقول التيم ليدر قصدي على اليدر الهمام والدائم للجروب والمرجعية...... ما علينا ما علينا
المهم يا عم مبروك البلوج
وشرف ليا اني اول واحد تعمل دعاية على قفاه

Rehab Mostafa said...

أنا مضطره ازعجك وارد تاني :$
بس انا فعلاً ضحكت اوييييييي وانا بقراه هو منتهى الرعب اه بس انا كان املي انه يطلع حلم لكن حتى ماطلعش حلم:D:D:D:D:D:D
يعني ماتخافش قدرتك على حكايات قبل النوم للأطفال البريئه زي الحكايه دي ماقلتش
ومن ناحية الملل حقيقي مقالاتك كلها قصيره موووووووت:$
بس مش ممله أبــــداً (Y)
أنا قلت اطمنك على قدرتك على الرعب أنا اللي مختلفه شويه اني ضحكت :D
kl3da srry 3lshan ana r3'et f el comment:$

funnykat said...

دانتا رخم رخامه ، بس كنت عارفه إنو حلم ...بس علي فكره مش في كل الأحوال
أنا للأسف حصلت حاجه غريبه كده - بس و الله ما كنت إتفرجت علي فيلم رعب و لا حتي قرأت حاجه- بس حصل إني و اناقاعده علي الكمبيوتر كالعاده بالليل عالساعه اتنين كده و كنت قافله الباب عليا و طافيه النور - قولت أعمل جو كده - إذ و فجأة الاقي باب الأوضه بيخبط ، فالطبيعي أقوم بكرامتي و أقول مين بره - علي أساس إن أصلا لو حد كان عايزني كان هيخبط يعني

المهم ... محدش رد عليا ، قولت أقوم و افتح الباب ... بس لما فتحت مالقيتش حد ... بس علي ميييين ، دانا صحيت كل اللي في البيت كلهم و سألت واحد واحد ... حد فيكم خبط عالباب ، و كانت الإجابه إيجابيه جدا جدا
:(
بس خلاص ... أكيد أنا استسلمت للأمر الواقع و أدركت إن بقي ليا أصحاب من العالم الاخر ... بس عيال:@
قال يخبطوا و يجروا قال :@

و الله العظيم ماكنش حلم دا حصل بجد
ربنا يستر

Anonymous said...

الى الاخت هويدا
مش عاوزين نسمع قصصك الحلوه ديه هنا ما انتي عندك بلوج تكتبي فيه ولا مش عارفه
:D :D
لو مش عارفه يبقى عيب يوزر بس انا من اشد المعجبين بكتابات الاستاذ خالد بس مش عاوز حد يكتب غيره وياريت كل واحد عنده بلوج يكتب فيه هنا بس نعمل تعليق على الموضوع مش موضوع جديد
وشكرا

funnykat said...

@m7dsh y2ol 3la s7by eno koyes
أنا مش هقول غير حاجه واحده بس :D:D
إنت ليه تقرا التعليق بتاعي أصلا ... عالم غريبه والله:P

و أنا بقي حره ... أعلق زي مانا عايزه .... وانا ماليش مزاج أكتب
ده في البلوج بتاعي
و طبعا أنا عارفه إن قصصي حلوه طبعا (tenek)
ay 5edma :D:D:D:D

Ramy Mahrous said...

@Hoyda
معلش يا هويدا هو انا اصلا مش بحب اسلوب الراجل ده
"m7dsh y2ol 3la s7by eno koys "
بس برده هو عنده حق

@m7dsh y2ol 3la s7by eno koys
لو سمحت مش عاوزين تعليقاتك الظريفه ديه

Anonymous said...

@Ramy
انا مش هرد في حاله ان الاستاذ خالد طلب كده!!

khaled adel said...

@ S7BY (Ramy)
ايه انفصام الشخصية اللي عندك ده يا معوق
حد يكتب يشتم الناس وبعدين يعتذرلهم بأسم واحد تاني
ربنا يشفيك يا ابني
بس انا اعرف دكتور نفساني كويس بيعالج من حالات الانفصام دي

khaled adel said...

@howida
متاخديش على كلام رامي هو كده من يومه
بس بصراحة معاه حق :d
هو طبعاً انتي فضلتي انك تكتبي هنا عشان عارفة ان الاقبال على البلوج بتاعي اكتر
عامة انا حصلتلي او اتحكتلي حاجات تانية حقيقية وخالي كان بيعالج من الجن
بس مش معنى كده اني كل ما اسمع خبطة اقول يبقى لازم حد من اياهم
عادي يعني ممكن يكون حاجة خبطت في الباب وانتي مخدتيش بالك

funnykat said...

NO comment:-#

Batta said...

7aram 3lekom :( ana mn yomen kont bakr2 el post da el sa3a 3Am :S wtb3n etr3bt f2flt el pc 7'ales w2omt , el nahrda ba2a e7na el sob7 2olt akml 2raea w ashof el comments w7mdt rabena en elmodo3 wala 7elm wala ay7aga al2e hwayda t2ol keset el ro3b ele 7ketha de w72e2a kaman :'( da a el ro3b da walahe awel ma2retha 2omt fat7t el shbak wetr3bt :S 7aram 3lekom ele bt3mloh fel nas da :'( :'(

funnykat said...

السلام عليكم و رحمة الله
يا فاطمه أنا مش قصدي أرعب حد:D ... بس الصراحه أنا بحب الرعب أصلا :D:D
و عشان خاطرك و خاطر ناس كتير أنا
هاقول إن ديه تهيؤات بتحصل للواحد ::D

هو اللي يدخل الكليه ديه بس يطلع منها سليم أبدا :'(

يا ريت يا أستاذ خالد البوست الجاي يبقي ما يكونش حلم و يبقي حقيقه ::D

سلام عليكم
و نأسف للإزعاج :)

khaled adel said...

@Fatma

معاكي حق انا فعلاً كان لازم اكتب في الاول للكبار فقط بس نسيت

@ howida
البوست الجديدة نزلت ومش حلم ولا حاجة

Omar Al-Hassanin said...

listen or look or wutever, I will not say u r talented cause every body said that before (despite the fact u r very very very talented), so I will say some thing that no one said before, like.......Shampoo
yes shampooo ya khlaed ya gamed, we yalla ya 3ammy masmo7lak be mareteen teza3'za3' fehom Ramy Ma7roos we ana kaman, 2ay 7'd3a ya basha ya kbeer

khaled adel said...

@عمر
مش عارف اقلك ايه والله بس كده كتير قوي بجد
معتقدش اني استاهل كل ده
بس بالنسبة لموضوع الزغزغة انت اللي جبته لنفسك يوم الاربع ان شاء الله هاخد الهدية بتاعتك
واحتمال اعزم معايا حسام وعيسوي وجمال وسعيد وبقيت الجروب مش بعيد حتى اجيب نبيل ورامي
اهو تبقى الزغزغة جماعة بس يا ريت متمتش في ايدينا

m.bazeed said...

كلامى فى الاول لخالد :العلاج الطبيعى جاب نتايج هايله فى حالات زى بتاعتك ديه
تانى حاجة للاخ الى مابيحبش حد يقول على صحبه انه كويس انا عايز اسئل سؤالين كدة:
1-انت ابن مين ياعم فى مصر ...؟
2-كيلو الغتاته بتبيعو بكام دلوقتى سمعت انك احتكرتها .؟؟

Anonymous said...

انا عرفت ان الحكاية هجس من اول ماقولت روحت استحمي:D
بدأت احس بالهتش فعلا