وبتتولد ضحكة
تموت, وسط الزحام
وسط السكوت, لازم هموت
الموت حبيبي
لابد جي
بالحضن هاخده
وبشوق هقابله
اصل الحبيب بعد الفراق
لابد راجع وانا قلتلك
الموت حبيبي
بس برضه
زي طبع كل الحبايب
الموت غدر بي
يشفي جروح المشتاقين الولهانين على مثل حالي
ويجي عندي ويبتعد
ده برغم اني مستعد
ياه من زمان وانا فاكره جي
من زمان وانا ف انتظار
والشوق مرار
اهوه
اهوه وصل
جاني الحبيب
بعد العتاب على طول غيابه
بعد التحية والسلام
بدأ الكلام
وبعكس كل تخيلاتي
وبعكس حبي واشتياقي
جه صوت حزييين
صوت من بعيد
وكأنه لسة هناك بينده
قالي النهاردة تعيش وحيد
وقلتله هات الجديد
هاتلي اختلاف بعد اللي كان
قالي المكان
م اليوم ده سكنك راح يضيق
المتر يمكن يبقى واسع
بس التراب راح ينردم
وقلتله هات الجديد
لو ع المكان مكانش حد صبح حزين
لكن بصدرك راح تضيق
لو حتى عندك افدنة
هات الجديد
قالي الزمان راح ينتهي
م اليوم هتبدأ يوم وحيد
وده مستمر للأبد
هات الجديد
من يومي عايش يوم وحيد
وبيبتدي بعد النهاية
بعد النهاية تبتدي نفس البداية
والحزن غاية
والهم واحد
هات الجديد
قالي انت واهم
لو كانت فاكر انك راح تنتهي من غير حساب
يبقى انت واهم
اليوم تحاسب
والحساب اليوم عسير
ومفيش محامي
اليوم ده عملك وحده حامي
مش زي دنيا تفوت تعدي
اصبحت خايف
وبرغم شوقي وانتظاري
وبرغم طول ليلي ونهاري
انا قلت جايز
لو عشت حبة يومين كمان
الحق مكان
ومهما ضاق صدري بمكان
او حتى كان كل الزمان عليا وحدي
لسة الحساب هيبقى اصعب
صعب الحياة عليا تصعب
بس اشتياق الموت ده حلم
اه لو اطوله
خالد عادل
10 comments:
الكلام جامد جـــــــــــــداً بجد
بس صعب أوي ان الواحد يعيش وهو مستني يموت أو بيتمنى الموت كده مايبقاش عايش
مش عارفه أنا حاسه ان موضوع ان دي أخر سنه مأثر عليك أوي والبوست اللي قبل ده كمان
الدنيا مش بتنتهى ...انت معذب نفسك والدنيا بتبص عليك بمنتهى السخريه وبيتمشي عادي مش هتقف لك :(
sry law kan kalamy re5em i know eno f3lan klam re5em :(
@re7ab
هو انا مش معزب نفسي ولا حاجة
يمكن الحالة اللي بتمر بتكون مأثرة ف الواحد شوية بس اكيد مش لدرجة اني اكتب الكلام ده يعني
وانا حتى هنا بس مش بقول اني بتمني الموت عشان لو حد فهم كده ولا حاجة
انا هنا بتمنى اني اقدر اتمنى الموت
صعبة شوية معلش بس هو ده اللي اقصده
السلام عليكم
القصيده حلوه اوي
مش عارفه كلامتها شدتني وعجبتني ليه:)
انا اللي فهمته انه بيتمني انه يكون
دايما مستعد للموت يعني مش خايف يموت في اي وقت غير انه يتمني انه يموت او منتظره دي حاجه تانيه.
مش عارفه هو ده قصدك ولا لا
@Wafaa
شكراً
وتقريباً هو ده قصدي
w bt2oly k2eba :D:D
l2a bs bgd 7lwa gedan ,ana msh 3rfa 2nta ele ktbha wala ah , bs heya to7fa gedan ..
@Nesma
:D :D
msh 2wy keda
hya wak3ya bs mesh ka2yba.
ah lel2saf ana elly katebha
حلوة يا خالد
@said
شكراً يا اخويا
وحلو برضه آخر تصميم عندك
:p
خالد
.
.
مش ممكن انت شااااعر بجد
انت فين من زمان
.
.
وليه وليه وليه
ليه مستخبي يا صديقي ليه حرام عليك
.
.
انت مووووووهووووووووب جدا
انت شاعر بحق وحقيق
مش مراهق زي المرطرطين في الجامعه
طب ليه يابني ناسي نفسك ليه
.
.
يااااااااااه
القصيدة حلوة قوي
قوي قوي قوي
.
.
تعرف
انا بقالي يومين عمال اكتب شعر
كل ساعه قصيدة
كلها مووووت
.
.
مش عارف لو هيتسني ليك انك تقراهم
بجد بجد
مش عارف ازاي انا كنت واقف جنبك
وبكلمك
وعيني تيجي في عينيك
وما شوفتش الشاعر اللي فيك
.
.
انا اسف يا صاحبي
اعمي وان حتي قالو الناس بصير
حقك عليا اليوم يصير
.
.
صدقني يا خالد
بجد انا فرحاااان جدا اني عرفتك من جديد
عرفت خالد
الفنان
تحياتي ليك .. وارجوك تسامحني
لان اللي ما يعرفك يجهلك يا فنان
تحياتي
والسلام
القصيدة كلماتها معبرة أوي....حاجة كويسة انك تكون مستعد للموت او يعني عندك الشجاعة انك تقوله انا اهو ومش خايف منك.......الواحد فعلا لما بيبص علي صورة حد مات مبيبقاش قادر يصدق انه ادفن ومش هيشوفه تاني ...عموما كله بيتنسي وعلي رأي يوسف السباعي ...لنا عودة
عموما يا خالد انا حسيت بحاجة حلوة لما قريت القصيدة يمكن يكون فيها حزن بس يعني كانت جميلة.....يلا كفاية شكر لتاخد مقلب في نفسك:D
Post a Comment