2/14/2008

وتتساقط اوراق الشجر

ورقة اخرى
ربما هي الاولى , لكنها ليست الاخيرة
هكذا تقول المعطيات
فالرياح لن تتوقف يوماً
والورق لن يتوقف يوماً عن السقوط
بعضه يسقط فيظل تحت الشجرة التي كانت تأويه
ولكن البعض الآخر يتهاوى فتحمله الرياح بعيداً جداً
ربما في حديقة اخرى
او بلد اخر
لتبتعد الورقة عن الاوراق التي تهاوت معها من نفس الشجرة
تفرقهم رياح الشتاء
ولكن
في اي مكان
عندما تهب الرياح
ستقول اوراق الشجر اينما كانت
يوماً ما كنا هناك
في نفس الشجرة
في نفس الحديقة
وتتمنى كل ورقة من داخلها
لو تأتي الرياح مرة اخرى
صيفاً او شتائاً او حتى نسمات الربيع العليلة
لتعيدها مرة اخرى تحت نفس الشجرة
ولكن السؤال !
هل عندما تعود ستجد باقي الاوراق هناك ؟
ام ان الرياح ستحملها هي الاخرى إلى مكان اخر ؟

7 comments:

Ahmed Essawy said...

الله عليك يا خالد
لو كنت انت الي كاتبها بجد ...
انصحك تسيب برمجه و تقعد تكتب كلام حلو كدا ..
بس انا مش مسئول عن توابع النصيحه
يمكن للجمهور راي اخر
==
واضح ان غزالتك رايقه و ان كان يغلبها مود فقدان الامل
او الاحباط
:P

يا تري يا خالد علي اعتبار اني ورقه شجر و انت من الورق الي بينا
و الهوا جه و رمي كل واحد في حته بس لسه شايفين بعض ...
هل ممكن الهوا يزيد اكتر من كدا و يرمي كل واحد في حته و محدش يعرف حاجه عن التاني ؟؟؟؟
لو دا حصل ياريت متفتكرنيش الا بالحاجات الكويسه مني و ادعيلي ..
يمكن اكون لسه روقه و بطير من مكان للتاني و يمكن اكون اتحللت
===

khaled adel said...

الله يكرمك يا عيسوي
هي مش غزالة ولا حاجة بس انا كنت متأثر شوية عشان سعيد مسافر
وتخيلت ان ممكن منتقابلش تاني
ممكن هو يرجع اكون انا مشيت وهكذا
واكيد ان شاء الله مش هنسى اي حد منكم ولا هنسى الشجرة نفسها
وان شاء الله عمرنا مهنتفرق مهما حصل

Ahmed Essawy said...

دا مش كومنت ولا حاجه انا بس كنت نسيت اشترك في
Email follow-up comments
:D

marktwain said...

ايه ياعم البرد ده مليت الشارع ورق شجر

ازيك اخبارك ايه سعت انك بتزور ناس معايا الجمعة اللى فاتت في المعادي طب اسال عليا
ماشى ياعم

marktwain said...

ايه ياعم البرد ده مليت الشارع ورق شجر

ازيك اخبارك ايه سعت انك بتزور ناس معايا الجمعة اللى فاتت في المعادي طب اسال عليا
ماشى ياعم

أحمد عماد said...

كلامك رائع وبيوصف الحالة بالظبط
أنا كل يوم أسمع إن واحد سافر من يومين بحس كأني هصحى من النوم في يوم ما ألاقيش أي حد من الي أعرفهم في مصر
ربنا يقرب البعيد ويرجع الي غايب ويحفظهم ويوفقهم كلهم يارب

mostafa rayan said...

حلوة هذه الخاطرة
وكمان بوست بتاع وفاة الوالد رحمه الله اثر فيا قوي
انا كمان ابويا مات وانا كنت لسة 19 سنة
ربنا يرحم الجميع
تحياتي ليك